Алхрақәа рымҩаҧгаразы жәларбжьаратәи аинформациатә центр ашьыжь асааҭ жәаба инаркны аус ауеит.

12.03.2017
616

Алхрақәа рымҩаҧгаразы жәларбжьаратәи аинформациатә центр  ашьыжь асааҭ жәаба инаркны аус ауеит. Уа иҟоуп ҳтелехәаҧшра аҭыхратә гәыҧгьы. Ҳкорреспондентцәа иҳаилдыркаауеит алхрақәа  шымҩаҧысуеи, Алхартә комиссиа хада апресс-центр аҿы аусура шышьақәгылои ртәы.

Апресс-центр ахықәкы хадақәа ируакуп алхрақәа рымҩаҧысшьазы аинформациа аизакреи, апресс-конференциақәеи абрифингқәеи реиҿкаареи, жәларбжьаратәи анаҧшцәеи, амчратә усбарҭақәа рхаҭарнакцәа рықәгыларақәеи рзы аҭагылазаашьа аҧҵара. Ара изҭаху зегьы алшара роуеит аинформациа аиуразы.

Алхратә комиссиа хада ахаҭарнакцәа ашьыжь апресс-конференциаҿы иҟарҵаз адыррала, асааҭ ааба рзы рышәқәа аартын алхырҭатә ҭыҧқәа зегьы. Уаанӡа алхрақәа рҿы ауааҧсыра рхыҧхьаӡара маҷхоит ҳәа азгәаҭақәа шыҟазгьы, шьыжьнаҵы абжьы аҭара инеиз рхыҧхьаӡара рацәан. Алхратә комиссиа хада ахантәаҩы Ҭамаз Гогиа иҳәеит, ауаа активла ртәылауаҩратә уалҧшьа шынарыгӡо. Аха анаҩстәи аҭагылазаашьақәа рыҿиашьа аҳәара шзаацәоу азгәеиҭеит.

Ҭамаз Гогиа ажурналистцәа рызҵаарақәа рҭак ҟаҵо иҳәеит, Гал араион аҿы алхыҩцәа рхыҧхьаӡара, уажә ирымоу адыррақәа рыла, быжьшәҩык рҿынӡа ишынаӡо. Иара убасгьы иазгәеиҭеит, Ҧсҳәы ақыҭахь абжьаҭаратә бҕьыцқәа ргаразы Аҧсны атәылахьчара аминистрра авертолиот шырнаҭаз. Ҧсҳәы абжьаҭара азин змоу рхыҧхьаӡара наӡоит шәи ҩажәаҩык рҟынӡа.

Апресс-конференциақәеи абрифингқәеи ара имҩаҧысуеит амш зегь аҩныҵҟа. Урҭ дырбалахоит Аҧсуа телехәаҧшра ишиашоу ицоу аефир ала. Апресс-центр ашҟа алхрақәа шымҩаҧысуазы иааиуа аинформациа  есааира ихаҭәаахоит. Абасала ахәаҧшцәеи амассатә-информациа ахархәагақәа русзуҩцәеи алшара рымоуп аҭагылазаашьа ацклаҧшразы.

Сима Аргун, Михаил Братухин, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
9
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК