Пицундатәи ажәбатәи алхратә ҭыҧ хадаҿы алхырҭатә ҭыҧқәа хҧа аартуп.

12.03.2017
981

Зынӡа Пицундатәи ажәбатәи алхратә ҭыҧ хадаҿы  алхырҭатә ҭыҧқәа хҧа аартуп. Лӡаа , Асычқәа  ақыҭақәа налаҵан. Уаҟа алхыҩцәа рхыҧхьаӡара зқьи аашәҩык рҿынӡа инаӡоит.  Аҩбатәи алхырҭатә ҭыҧ  аартын  Пицунда ақалақь агәаны.  Араҟа  ашәҟәы иҭагалоуп ҩ-нызқьи жәшәҩык рҿынӡа алхыҩцәа. Шьыжьнаҵы абиуллетенқәа зегьы амҳәырқәа раархан, акандидатцәа рганахь ала анаҧшцәа зегьы рҭыҧқәа ааныркылахьан , ажәакала ,  зегь азыхиан  арахь  имҩахыҵуа ауаа рыбжьы аҭира маншәаланы, уадаҩрада имҩаҧысырц азы.
Пицундатәи ажәбатәи алхырҭатә ҭыҧ хадаҿы  жәлар реизарахь  хҩык ркандидатурақәа ықәыргылоуп. Алхратә ҭыҧ хада ахантәаҩы иажәақәа рыла, сынтәа абжьыҭара егьырҭ ашықәсқәа ирыҿурҧшуазар,  еиҳа  иманшәалахеит.  

Уаргәырҕьаратә иҟоуп,  абжьыҭара азы арахь имҩахыҵыз ауаа  рхыҧхьаӡара ахьырацәоу. Дарбанзаалак Аҧсны иқәынхо иуалҧшьаны иҧхьаӡоит Аҧсны ҧхьаҟатәи аҧеиҧш лаша азыҳәан ибжьы аҭара.
Зыбжьы азҭоз  ауаа ргәалаҟазаара даараӡа ибзиан. Аҧсны жәлар реизарахь алхрақәа ныҳәак еиҧш иазнеиуан. Урҭ ирҳәон, еиҵагыло аҿар рыгәра угартә ишыҟоу , урҭ ргәыҕрақәа шрыдырҳәало.
Бзыҧтәи ажәабатәи алхырҭатә ҭыҧ хадаҿ  егьырҭ алхырҭатә ҭыҧқәа рҿеиҧш зыбжьы зҭиуаз ауаа рхыҧхьаӡара акыр ирацәан. Араҟагьы абжьыҭара қәҿиарала имҩаҧысуан.  

Аҧсны атәылауаҩ иуалҧшьа анагӡаразы Бзыҧ аҳабла даҭааит Аҧсны аҧыза – министр Беслан Барцыц. Уи иазгәеиҭеит, жәлар реизарахь  ҿыц иалырхуа адепутатцәа ауааҧсыра ргәыҕрақәа зегь шрыдырҳәало.  
Арҭ алхырҭатә ҭыҧқәа рҟны Аҧсны жәлар реизарахь абжьыҭарақәа цонаҵы,   азакуанеилагарақәа ҳәа акгьы ҟамлеит.

Н.Ақаҩба,  Ҭ.Гогохьиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК