Алхратә комиссиа хадаҿы имҩаҧысит ажурналистцәа рзы аихшьаалатә пресс-конференциа.

13.03.2017
549

Асааҭ жәаҩа рзы алхратә комиссиа хадаҿы имҩаҧысит ажурналистцәа рзы аихшьаалатә пресс-конференциа. Амассатә информациа ахархәагақәа рхаҭарнакцәа рызҵаарақәа рҭакқәа ҟаҵо, алхратә комиссиа хада ахантәаҩы Ҭамаз Гогьиа дырзааҭгылеит, алхрақәа рымҩаҧысшьа, Аҧсны Жәлар реизара апарламент ахь зныктәи абжьыҭарала иалхыз, аҩбатәи атурқәеи, аиҭалхрақәеи ахьымҩаҧысуа ртәы.

Апресс-конференциа иалахәын жәларбжьаратәи анаҧшцәеи, аҭыҧантәии аҳәаанырцәтәи ажурналистцәеи.
Алхырҭатә ҭыҧқәа зегьы рышәқәа анадыркы, асааҭ ааба инаркны ашьыжь асааҭ хәбанӡа Аҧсны араионқәа зегьы рҟынтә алхрақәа шымҩаҧысыз азы аинформациа аауан,-абри атәы иҳәеит алхратә комиссиа хада ахантәаҩы Ҭамаз Гогьиа апресс-конференциа аартуа . Аҧсны Жәлар Реизара апаралментахь анеиразы ҩажәи жәохә алхратә ҭыҧ хадақәа рҿы иқәгылаз шәи ҩажәи зеижәҩык акандидатцәа рахьтә  иалхыз жәаҩаҩык роуп.

Еилкаауп урҭ рыхьыӡқәа. Аҳабла ҿыц аҿы иҟоу аҩбатәи алхырҭатә ҭыҧ хадаҿы далхуп Алмас Џьапуа, Бзыҧтәи ажәабатәи алхырҭатә ҭыҧ аҿы Иури Ҳагәышь, Гагратәи ажәеизатәи аҿы – Асҭамыр Аршба, Оҭҳаратәи ажәиҧшьтәи аҿы Дмитри Дбар, Дәрыҧшьтәи ажәохәтәи алхырҭатә ҭыҧ хадаҿы Дмитри Арӡынба, Лыхнытәи ажәафтәи аҿы Михаил Сангәлиа, ажәаатәи Гәдоуҭатәи ақалақьтә аҿы Александр Анқәаб, аҩажәиҩбатәи Гәымсҭатәи алхырҭатә ҭыҧ хадаҿы далхуп Левон Галустиан, аҩажәиҧшьбатәи Ҧшьаҧтәи аҿы Ашот Миносиан, Маҷаратәи аҩажәихәбатәи аҿы Саид Ҳаразиа, Ҷлоутәи аҩажәижәбатәи аҿы Асҭамыр Ҭарба, Кәтолтәи аҩажәи жәабатәи аҿы Баҭал Тапҕәуа. Убри аан иазгәаҭатәуп, ажәибыжьтәи алхырҭатә ҭыҧ хадаҿы заҵәык алхрақәа зымҩаҧымсӡеит ҳәа ишыҧхьаӡоу. Уаҟа еицықәгылан Леонид Чамагәуеи, Леонид Лакербаиеи.

Хыхь зыӡбахә ҳәоу ажәибжьтәи алхырҭатә ҭыҧ хадаҿы ада, егьырҭ зегьы рҿы алхрақәа мҩаҧысит. Аха, реиҳарак рҿы имҩаҧгахоит алхрақәа аҩбатәи атур. Ҩажәиҧшьба ҭыҧ хада рҿы ҩымчыбжь рыла еилкаахоит Аҧсны Жәлар Реизара апарламент ахь инеиуа.

Алхратә комиссиа ахада ахантәаҩы Ҭамаз Гогьиа ажурналистцәа рызҵаарақәа рҭакқәа ҟаҵо иазгәеиҭеит, аҳәаанырцәтәи анаҧшцәа рҟынтә аҽыҧныҳәа шыҟамыз. Дара инаҵшьны ишырҳәоз, арҭ алхрақәа адемократиатә принциҧқәеи жәларбжьаратәи ашәага-загақәеи ирықәшәо ишымҩаҧгаз. Амш аҩныҵҟа  ашәҟәы иҭагалаз аилагарақәа зынӡа имаҷын, урҭгьы иаразнак еилырган. Иааидкыланы иуҳәозар,  алхрақәа реиҿкаашьеи рымҩаҧысшьеи Ҭамаз Гогьиа ахәшьара бзиа аиҭеит.

Ҩымчыбжь рыла имҩаҧысраны иҟоу алхрақәа аҩбатәи атур шеиҿкаахо, акандидатцәа рагитациа шымҩаҧысуа уҳәа еилкаахоит иаарласны. Март жәаҩа рзы имҩаҧысыз ракәзар, уи зхы алазырхәыз алхыҩцәа рхыҧхьаӡара наӡоит шәи ҩажәи жәеиза нызықьҩык, хәышәи ҩажәи жәҩык рҟынӡа.

Елана Лашәриа, Саид Агәхаа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
8
16 Ианвар 2018
8
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
11
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
12
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
47
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК