Алхратә комиссиа хадаҿы имҩаҧысит жәларбжьаратәи анаҧшыҩцәа рпресс-конференциа.

13.03.2017
688

Аҧсны апарламент ахь алхрақәа мҩаҧысит адемократиатә принципқәа ирықәыршәаны, ауааҧсыра активра бзиа аадырҧшит.  Абри атәы азгәарҭеит алхратә комиссиа хадаҿы имҩаҧысыз  жәларбжьаратәи анаҧшыҩцәа рпресс-конференциаҿы.

Алхрақəа рымҩаҧысшьа  иахылаҧшуан Урыстәылеи, Алада Уаҧстәылеи, Урыстәыла Афедерациа ахеилаки, Аҳәынҭқарратә Думеи рыҟнытә ҩынҩажәаҩык  анаҧшыҩцәа. Дара иазгәарҭон, изҭаауаз алхырҭатә ҭыҧқәа рҟны  абжьыҭара  азакуан инақәыршәаны ишымҩаҧысуаз.

Аҳәынҭқарратә Дума ихьыҧшым аҳәынҭқаррақәа реимабзиара аусқәа рзы аилак аиҳабы актәи ихаҭыҧуаҩ Константин Затулин Аҧсны имҩаҧысуаз алхрақәа анаҧшҩык иаҳасабала  изныкымккәа ихы рылаирхәхьеит,   иара иҳәеит ауааҧсыра ртәылауаҩратә уалҧшьа анагӡараҿы активла рхы шаадырҧшуаз.  
Константин Затулин иҳәеит, Аҳәынҭқарратә Думеи  Аҧсны апорламент ҿыци аимадара рыбжьаҵаразы аусмҩаҧгатәқәа шеиҿыркаало.

Жәларбжьаратәи аусқәа рзы аилак аиҳабы ихаҭыҧуаҩ Александр Тотонов наҧхгара зиҭоз анаҧшыҩцәа ргәыҧ рҭааит алхырҭатә ҭыҧ Хадақәа  жәабеи, алхырҭатә ҭыҧқәа ҩажәи аки.

Анаҧшыҩцәа ражәақәа рыла, алхрақәа адемократиатә шьаҭала имҩаҧысуан, дара иазгәарҭеит, Аҧсны Жәлар Реизарахь алхрақәа  ауааҧсыра ҭакҧхықәрала ишазнеиз.

Ҳамидан Гәымҧҳа, Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК