Агәыҳалалратә еиҿкаара «Кьараз» ацхыраара азҭо рхыҧхьаӡара есааира иацлоит.

14.03.2017
784

Агәыҳалалратә еиҿкаара «Кьараз» ацхыраара азҭо рхыҧхьаӡара есааира иацлоит. Ҭырқәтәыла иҟоу Кавказтәи ажәларқәа  рхеидкылақәа  Рфедерациа  ахьӡала аиҿкаара ҳамҭас иаҭан амашьына.  Шьҭрнахыс  уи иалнаршоит  русура     еиҳа  арманшәалара.

Абар ҩышықәса иреиҳауп, агәыҳалалратә еиҿкаара «Кьараз» Аҧсны еиуеиҧшым араионқәа рҿы инхо, зсоциалтә ҭагылаазашьа уадаҩу аҭаацәарақәа ирыцхраауеижьҭеи.

Ус еиҧш иҟоу, аиҿкаара аҟынтәи еснагьтәи ацхыраара зауа  аҭаацәарақәа хышә-ҩык иреиҳауп. Урҭ ахьынхо араионқәа рҟынӡа анаӡаразы, ауадаҩрақәа рызцәырҵуан ахатәы транспорт амамзаара иахҟьаны. Убри аҟнытә, урҭ еснагь аҳәара ҟарҵон аҳәынҭқарратә усбарҭақәа рахь излауа ала рытранспорт рхы иадырхәарц азы.
Агәыҳалалратә еиҿкаара «Кьараз» аиҳабы Кама Гәаҧиаҧҳа  лажәақәа рыла, мызқәак раҧхьа, аиҿкаара «Кьараз» аусзуҩцәеи Ҭырқәтәыла иҟоу Кавказтәи ахеидкылақәа Рфедерациа ахаҭарнакцәеи реиқәшәараан, иалацәажәан аиҿкаара аусураҿы ирызцәырҵуа ауадаҩрақәа. Урҭ рхыҧхьаӡараҿы иҟан, русура зырманшәалаша атранспорт  амамзаара азҵаарагьы. Рацәак мҵыцкәа, урҭ иҟарҵаз аҳәара иахаҵгылеит Кавказтәи ахеидкылақәа Рфедерациа.

Уи еизнагаз аҧарақәа рыла, иалыршан аиҿкаара  «Кьараз»   амашьына азаахәара.

Агәыҳалалратә еиҿкаара «Кьараз» зымҩаҧгара азгәанаҭо апроектқәа рацәоуп. Урҭ рхыҧхьаӡараҿы иҟоуп «Аӡы» ҳәа хьӡыс измоу апроект. Уи аҳәаақәа ирҭагӡаны, зсоциалтә ҭагылазаашьақәа уадаҩу аҭаацәарақәа рыҩнаҭақәа рҿы  еиҭашьақәыргылахоит аӡы иадҳәалоу асистемақәа зегьы.    

Саид Џьарсалиа Алықьса Агәхаа АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК