Аҧсны имҩаҧысуан Аџьынџьтәылатә еибашьра марттәи ажәылараан иҭахаз аибашьцәа ргәаларшәара иазку аусмҩаҧгатәқәа.

16.03.2017
812

Аҧсны имҩаҧысуан   Аџьынџьтәылатә  еибашьра марттәи ажәылараан иҭахаз аибашьцәа ргәаларшәара иазку  аусмҩаҧгатәқәа.   Ҩажәи ҧшьба шықәса раҧхьа Аҟәа аҭарцәразы аҵх лашә зҽалакны ажәылара иалагаз  аҧсадгьыл ахьчаҩцәа аҿагылара ҕәҕәа роуит. Ирацәахеит аҧсҭбарақәа. Ҳархәҭақәа хьаҵыр ақәхеит. Аибашьцәа гәымшәақәа ргәаларшәара иазкыз аусмҩаҧгатәқәа хацаркын  Аҟәа,  Ахьӡ-аҧша апарк аҿы. Аҧсны ахьчаҩцәа рбаҟа амҵан ашәҭқәа  шьҭарҵеит Анацәа рхеилак ахаҭарнакцәа, аибашьра аветеранцәа, Аҧсны  Ахада  Рауль Ҳаџьымба,    Жәлар  Реизара аиҳабы   Валери Бганба,  Аҧыза -министр   Беслан Барцыц, адепутатцәа,  аруаа,   ауаажәларра, ашколхәыҷқәа.

Ҩажәи ҧшьба шықәса раҧхьа, марттәи аҵх хьшәашәа рҽалакны, Гәымсҭа аӡиас ирны, уи аҿықәаҿ игылаз ақырҭқәа раҧхьатәи рхырҕәҕәарҭақәа ирыжәлеит аҧсуа еибашьцәеи хатәгәаҧхарала иҳацхраауаз аиашьаратә республикақәа рҿынтә иаази. Аидысларақәа цон Гәымсҭа аҩадатәи ацҳа азааигәареи Ачадара ақыҭа агәани. Амчқәа шеиҟарамызгьы, аибашьцәа ҳаҳҭны-қалақь Аҳабла ҿыц алалара рылшеит. Аха, аҧсуа еибашьцәа ақәгәыҕӡомызт ари аҩызаҵәҟьа аҿагылара роуеит ҳәа. Излагаз аиҿахысра еиҧҟьарада быжьсааҭк инарзынаҧшуа ицон. Абџьарыи аџьыҧҳани рыла аҕа акыр иҵахоз Аҧсны ахьчаҩцәа ацәыӡ дуқәа роуа иалагеит, еилкаахеит шьҭахьҟа ихнымҳәыр ада ҧсыхәа шрымам. Аха, ахьаҵра ажәылара аасҭа иуадаҩхеит. Аибашьцәа ирыкәшаз аҕацәа хықәкыс ишьҭырхит иҧсы ҭаны аӡәгьы имышьҭра.
Аҧсны анацәа рхеилак алахәыла Ниура Габуниа лзы ари амш даара ихьанҭоуп. Марттәи ажәылараҿы еицҭахеит лҧа Баҭал Џьапуеи, лаҳәшьа Нина Габуниа-Тарнаа лҧазаҵә Мераби. Мираб Тарнаа Афгантәи аибашьра далахәын, аҧышәа иман. Убри аҟынтә,  реиҳа ишәарҭаз аҭыҧқәа рахь ддәықәлон. Марттәи ажәылара  иара изы иҵыхәтәантәихеит… Мераб Тарнаа аҕацәа аникәша, итапанча ихы инадыргыланы даҵхеит. Аҧсадгьыл ахьчаҩ иҧсы шҭаз аҕацәа иҽримҭаӡеит. Марттәи ажәылараҿы дҭахеит Баҭал Џьапуа. Иара ихыҵуаз ҩажәи акы шықәса ракән. Аишьцәа ианҭаха ашьҭахь аҳәынҭқарратә ҳамҭақәа ранашьан.
Март жәаф амш аибашьра аветеранцәа  рзы даҽакы иалаҩашьом. Дара ирцәыуадаҩуп ацәажәара, рхаҿы иааиуам ажәақәа, усҟан имҩаҧсыуаз  ахҭысқәа  реиҭаҳәаразы. Урҭ ахҭысқәа рыгәҭа иҟаз аҩбатәи ажәыларатә батальон аибашьцәа ари амш аҽны еснагь арахь иаауеит  ирыцҭахаз рҩызцәа ргәаларшәаразы. Урҭ  иахьа ацәажәара рцәыуадаҩуп, избаназар, ари ажәылараҿ ирыцәҭахеит рбатальон аибашьцәа реиҳарак.

Марттәи ажәылараҿы Аҧсуа ар иацәыӡит ҩышәи ҩажәи ҩыџьа ҩык , хабарда ибжьаӡит ҩажәи хҩык, шәҩык инарзынаҧуша ахәрақәа роуит. Аибашьра еилгеижьҭеи аамҭа маҷымкәа ишцхьоугьы, иахьа уажәраанӡа зыҧсыбыҩ ҧшаам, зызқәаҭыҧ ыҟам аибашьцәа рхыҧхьаӡара рацәаҩуп.
Март  жәаф, зқьи жәшәи ҧшьынҩажәи жәаха шықәса иадҳәалоу ахҭысқәа итрагедиатәу даҟьоуп Аҧсны жәлар рџьынџьтәылатә еибашьраҿы. Усҟан, ҳажәлар ироуит иузхамырҭәаауаз ацәыӡ. Аҳҭнықалақь ахы ақәиҭтәраан аҧсадгьыл ахьчаҩцәа иаадырҧшуаз афырхаҵареи агәымшәареи  наунагӡа иаанхоит абиҧарақәа ргәалашәараҿы.

Елана Лашәриа, Беслан Џьынџьал, Беслан Чхынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
21
19 Ииуль 2018
9
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
9
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
16
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
11
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
93
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК