Афон-Ешыратәи актәи амотохысратә полк алахәцәа еизеит Гәымсҭа аӡиас иацәыхарамкәа.

16.03.2017
1076

Есышықәса,   уажәааны  Аҧсны Аџьынџьтәылатә еибашьра  аветеранцәа марттәи ажәылараан иҭахаз рҩызцәа ргәаладыршәоит. Афон-Ешыратәи актәи амотохысратә полк алахәцәа еизеит Гәымсҭа аӡиас иацәыхарамкәа, зегь реиҳа иуадаҩыз ажәылара ахьымҩаҧысуаз аҭыҧ аҿы.

Март жәохә – жәаф наунагӡа Аҧсны аџьыньџьтәылатә еибашьра аҭоурых аҿы шьала иҩу  даҟьақәаны иаанхоит.  Аҧсуа архәҭақәа,  Гәымсҭа аӡиас  ирны , акрызҵазкуаз аҳаракырақәа ргар акәын. Марттәи ажәылара -   зегь реиҳа иуадаҩыз  жәыларан. Актәи амотохысратә Афон – Ешыратәи   абатальон аҿы хышә-ҩык инарзынаҧшуа аибашьцәа   алан.

Аха март жәохә ауха излагаз аоперациа аҧсуаа ирықәымҿиеи. Ишьаарҵәырахаз арҭ амшқәа рышьҭахь , ааха ҕәҕәа зауз ҳархәҭақәа, шьҭахьҟа ихьаҵыр акәхеит.

Марттәи  ажәылара  аан  аҧсуа еибашьцәа иаадырҧшуаз агәымшәара иахьагьы урҭ ирыцеибашьуаз рҩыцәа ирхашҭӡом. Еиҭарҳәоит. Рафик Цкәуа  дзаҧхьагылаз актәи амотохысратә батальон аҟны еибашьуаз Аҧсны афырхаҵа  Малхаз Ҧачалиа  агәымшәареи ахамеигьӡареи аарҧшны дҭахеит.  

Иахьа аветеранцәа ахьеизаз аҭыҧ  машәыршақә иалрымхит. Георги Доев, Смыр Валери ,Казанџьан уҳәа аӡәырҩы , абраҟоуп ақырҭуа  хәымга  иснариад,   зыҧсадгьыдл зыхьчоз арҭ афырхацәа,  иахьрыхьӡаз.  Иазгәаҭатәуп  Радион  рабџьар кны ишивагылаз аурысцәа  аерманцәа уҳәа аӡәырҩы.

Абас ала есышықәса март жәохә – жәаф рҽны  иргәаладыршәоит иҭахаз аибашьцәа. Арҭ  амшқәа рзы ирҭаауеит    аҳаҭгәынқәа,  рхьаа  рыцеиҩыршоит   урҭ    рҭаацәарақәа.

Н.Ақаҩба С.Агәхаа,АТ.    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК