Алада Ешыра имҩаҧысит агәаларшәаратә акциа.

16.03.2017
759

Алада Ешыра имҩаҧысит агәаларшәаратә акциа. Уи иалахәыз аҿар Учхоз иалсны афронт ацәаҳәа  ахьыҟаз  инеит.  Рнапы иакын марттәи ажәылараан иҭахаз аибашьцәа рхыҧхьаӡара аҟара агәилқәеи ацәашьқәеи. Аусмҩаҧгатә еиҿнакааит аҿар рполитиказы аҳәынҭқарратә еилакы.

Аусмҩаҧгатә иалахәыз зегьы ацәашьқәа кны рҿынархеит Гәымсҭатәи ацҳахь. Уаҟа аамҭала иаркын иҿымцәааӡо амца.

Ҩажәи ҧшьба шықәса раҧхьа араҟа акәын иахьцоз зегь реиҳа ишьаарҵәыраз аидысларақәа. Март жәохә рзы ар адҵа рыҭан ажәыларатә операциа амҩаҧгаразы. Аҧсуа еибашьцәа аӡы ирны Аҟәа азааигәара астратегиатә  ҵакы  змаз  аҳаракырақәа раанкылара рылшеит. Аха аҳҭнықалақь ахақәиҭтәразы аҽазышәарақәа лыҵшәадахаеит.

Алада Ешыра ацҳаҿы минуҭктәи аҿымҭрала акциа алахәылацәа иргәаладыршәеит зыҧсадгьыл зхы ақәызҵаз афырхацәа.  

Низфа Арышҧҳа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК