Марттәи ажәылара иазкын иахьа Владислав. Арӡынба ихьӡ зху Ахьӡ-аҧша аҳәынҭқарратә музеи аҟны имҩаҧысуаз алекциақәа.

16.03.2017
836

Марттәи ажәылара иазкын  иахьа Владислав. Арӡынба ихьӡ зху Ахьӡ-аҧша аҳәынҭқарратә музеи    аҟны   имҩаҧысуаз алекциақәа. Урҭ  ирзыӡыҩруан  абжьаратә школқәа  реиҳабыратә классқәа рҵаҩцәа. Иара убас   уи  азы  агәаҳәара змаз зегьы ирыҭан алшара .

Аҵаҩцәа  екскурсиак аҳасабала идырбан амузеи иамоу  аҧсуа еибашьцәа рырмаҭәеи, излеибашьуаз абџьари, иҟарҵоз  амшынҵақәеи, ирыҩуаз асалам шәҟәқәеи,  иаадырҧшыз    афырхаҵаразы  иранашьаз  аҳәынҭқарратә ҳамҭақәеи.

Иазгәаҭатәуп,  амузеи  иаҭааз  аҵаҩцәа   ишрыцыз  рырҵаҩцәагьы. Лариса Лабжьаниаҧҳа  марттәи ажәылара иазкны акласс сааҭ мҩаҧылгахьан, аабатәи аклассқәа рыбжьара. Уи аҭоурых атәы рхаҿы иаанхарц азы ахәыҷқәа лыманы амузеи даҭааит. Ҳахьыҟазаалакгьы, ҳаҧсы ҭанаҵы иаҳхаҳмыршҭлароуп ҳаҧсадгьыл аиқәырхаразы иҭахаз ҳаҷкәынцәа,- лҳәоит жәеизатәи абжьаратә школ аҭоурых арҵаҩы Лариса Лабжьаниаҧҳа.

Амузеи иаҭааз ашколхәыҷқәа  рҟынтә  иҟан   забацәа, заншьцәа  аибашьра,  ҷыдала   марттәи  ажәылара   иалахәыз. Шьазина Шьынқәҧҳа лаб Беслан Шьынқәба далахәын марттәи ажәылара. Есышықәса уи аҭоурых игәаларшәо, иҧҳа илзеиҭаиҳәоит аибашьратә цәаҳәаҿы дзыниоз ахҭысқәа, иҩызцәа шҭахоз. Беслан  Шьынқәба    ианашьоуп Леон иорден.  

Нарсоу Ферзба иабгьы урҭ ахҭысқәа дрылахәын. Иаб Беслан, ианашьоуп “Агәымшәаразы” амедал. Хымҧада иуадаҩуп ари атема алацәажәара. Аха Нарсоу иҭаацәа рзы хашҭра  зқәым   ҭоурыхтә хҭысны иаанхоит.
  Амузеи иаҭааз  аҵаҩы  Нарсоу Канцба иҭаацәара аҟынтәи аибашьрахь ицеит х-ҩык. Иабду Ҧақәашь деибашьуан. Ҩыџьа ианшьцәа марттәи ажәыларақәа ирылахәын. Иҭахаз ҳаибашьцәа рыхьӡ агәаларшәара ҳара аҿар иаҳуалҧшьоуп, - иҳәоит Нарсоу Канцба.

Ашколхәыҷқәа  реиҧш  амузеи иаҭааит  Аҟәатәи иреиҳаӡоу арратә ҵараиурҭа  акурсантцәа. Урҭ арахь  иааит реиҳабацәа рыцны амузеи иамоу аекспонтақәа рыблала ирбарц азы.  Рамин Ҭыжәба ахҧатәи авзвод аҿы  дыҟоуп. Иара даараӡа игәы иахәеит иахьа арахь иаара.

Ахьӡ-аҧша аҳәынҭқарратә музеи  иаҭааз  аҿар   араҟа ирбаз,  аекспонатқәа, ус ажәала  ирзеиҭаҳәаз  ахҭысқәа  идырҵаулеит  реиҳабацәа рҿынтә ираҳахьаз   ҳаҧсуа  еибашьцәа   иаадырҧшыз  афырхаҵара атәы.

Наала Чхьынџьериаҧҳа, Леон Адлеиба, Асҭамыр Гәажәба, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК