Ахәҳахәҭра-ааглыхратә палата жәохә шықәса ахыҵит.

17.03.2017
458

Аибашьра ашьҭахьтәи аамҭа хьанҭақәа раан иаҧҵаз ахәаахәҭра-ааглыхратә палата иахьа Аҧсны ӡырызго усбарҭаны иҟоуп. Жәохә шықәса рыҩныҵҟа ирацәоуп иҟоу аихьӡарақәа. Анапы рыҵаҩуп шәкыла аиқәшаҳаҭрақәа, ишьақәыргылоуп Аҧсни егьырҭ аҳәынҭқаррақәа рхәаахәҭра-ааглыхратә палатақәеи рыбжьара аусеицура.

Аҧсны ахәаахәҭра-ааглыхратә палата иҳәынҭқарратәым усбарҭоуп, иара еиднакылоит ҳтәыла аусдкылаҩцәа зегьы. Апалата аҧҵан аҳәынҭқарра аекономика аҿиара ацхараара хықәкыс иҟаҵаны. Ахәаахәҭра-ааглыхратә палата Аҧснытәи абизнесуаа аҳәаанырцәтәи ахәаахәҭра-економикатә система ралалара иацхраауеит, иара убасгьы аусдкыларазы иаҧнаҵоит алшарақәа. Аҵыхәтәантәи жәохә шықәса рыҩныҵҟа иҟаҵаз акыр ирацәоуп. Аусурақәа зегьы зызкыз акоуп-Аҧсны аӡыргара, аҭыҧантәи абизнесуааи аусдкылаҩцәеи амҩа рыҭара, насгьы Аҧснытәи аалыҵқәа рхаҭабзиара аҳәаанырцәтәи  еиҕьымзар ишаҵамхо  аарҧшра. Арҭ ахықәкқәа зегьы апалата лҵшәабизала инагӡо иаауеит иахьа уажәраанӡа. Уи шаҳаҭра ауеит есышықәса Москва   Урыстәылазегьтәи  агроааглыхратә   цәыргақәҵа    «Ахьтәы ҭагалан -  ҩнызқьи жәаф» аҟны    Аҧсны   ахаҭарнакцәа   аҧхьахәтә ҭыҧқәа ахьааныркыло. Ҩажәа ҳәынҭқарра  инареиҳаны   излахәыз    ҵыҧхтәи ацәыргақәҵаҿы  Аҧсны аалыҵқәа Гран-при иаҧсахеит.

Иахьатәи аамҭазы ҳтәыла ахәаахәҭра-ааглыхратә палата анапы аҵанаҩхьеит шәкы инарзынаҧшуа аиқәшаҳаҭрақәа. Урҭ иҳәаақәырҵоит Аҧснытәи анаплакқәеи Аҳәанырцәтəиқәеи русеицура. Иара убасгьы аимадара бзиақәа шьақәыргылоуп Турини, Братиславеи, Гонконги, Болгириеи рпалатақәеи Аҧснытәии рабжьара. Иазгәаҭатәуп, иахьатәи аамҭазы ҳтәыла ахәаахәҭра-ааглыхратә апалата ахарҭарнакрақәа шамоу ф-ҳәынҭқаррак рҟны. Уи Урыстәыла, Германиа, Еиду Америкатәи Аштатқәа, Италиа, Бельгиа, Шотландиа. Иара убасгьы Аҧсны ахәаахәҭра-ааглыхратә палата ахьӡала Китаи, Мексикеи, Ҭырқәтәылеи, Франциеи, Туниси, Шьамтәылеи назлоу аҳәынҭқаррақәа ҩажәижәаба рҿы аус руеит ҷыдалатәи ахаҭарнакцәа.
Иахьатәи аамҭазы Аҧсны ахәаахәҭра-ааглыхратә палата  иамоуп аҟәшақәа жәба. Араҟа аус руеит ҩынҩажәаҩык иреиҳаны. Урҭ рыбжьара аиҳараҩык аҿар роуп. Ҳәарада, ари аҩыза аколлектив қәыҧш аидкылара зыбзоуроу апалата ахада Геннади Гагаулиа иоуп. Иара агәра ганы дыҟоуп аҧышәа змоу аиҳабацәа рнапхгарала аҿар ирзымыӡбо азҵаарақәа шыҟам.

Елана Лашәриа, Беслан ЏЬынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК