Аҧсны жәлар реизарахь адепутатцәа ралхра аиҿкаашьа иахылаҧшуан Ауаажәларратә палата алахәылацәа.

17.03.2017
693

Март жәаҩа рҽны имҩаҧгаз Аҧсны жәлар реизарахь адепутатцәа ралхра аиҿкаашьа иахылаҧшуан ауаажәларратә палата алахәылацәа. Дара иҟарҵаз алкаақәа ртәы ажурналистцәа ирзеиҭарҳәеит .

Аҧсны азакуанҧҵаратә усҳәарҭа ашҟа адепутатцәа ралхра шымҩаҧысуаз ахылаҧшразы Ауаажәларратә палата еиҿнакааз акомиссиа иалан жәаҩык. Дара шамахамзар ирҭааит алхырҭатә ҭыҧ хадақәа зегьы. Ргәаанагарала абжьыҭарақәа еиҿкаан , иагьымҩаҧган Ареспублика азакуанҧҵара инақәыршәаны.

Ауаажәларратә палата алахәылацәа ргәаанагарала, иназыцҵоу асиақәа уаанӡа еиҧш, уажәгьы иахьырацәоу зыхҟьоу амзызқәа ирыҵанакуеит, ақыҭақәа рҟнытә алхратә комиссиа хада ашҟа напыла иҩны иаарышьҭуа асиақәа анхыркьыҧхьауа ажәлақәеи, ахьӡқәеи рыҩраан агхақәа рыҟаҵара, жәаа шықәса зхыҵны атәылауаҩ шәҟәы ааигәа изырҭаз рсиақәа ашәҟәы рҭамгалара. Алхыҩцәа убасгьы ишьақәнарҟьеит ҳәа ирыҧхьаӡоит акандидатцәа рӡыргаратә видеороликқәа рҟны аҵәаҳә асахьа зныз адыргақәа. Абжьыҭарахь алхыҩцәа ирҭахыз аӡәы ижәла ааныжьны, мамзаргьы зегьы аҵәаҕәа рхьыршьыр акəын. Убри аан иазгәаҭатәуп, алхратә комиссиақәа рлахәылацәа зыбжьы зҭиуаз ишрарҳәоз аӡәгьы дышәҭахымзар зегьы шәҵәаҕəоит, ишәҭахызар жәлак ааншәыжьуеит ҳәа.

Ауаажәларратә палата алахәылацәа рыхьӡала амаӡаныҟәгаҩ Наҭелла Акаба иҟалҵаз аҳәамҭаҿы иазгәаҭоуп, Жәлар реизарахь аоппозициа ахаҭарнакцәа депутатцәас ралхра, Аҧсны ауаажәларра- политикатә ҭагылазаашьа ҭышәынзыртәало, адәахьтәи амитингқәеи аиҿагыларақәа апарламент аҩныҵҟа ииазго хҭысны ишахәаҧшуа.

 Д.Инаҧшьба, А. Агәхаа,  АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
51
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК