Аҧсны адəныҟатəи аусқəа рминистрраҟны имҩаҧган абрифинг.

17.03.2017
503

Аҧсны адәныҟатәи аусқәа рминистр Даур Ақаҩба наҧхгара зиҭоз Аҧснытәи аделегациа Боливариантәи Ареспублика Венесуела ахь аусуратә ҭаара мҩаҧыргеит. Уи алҵшәақәа  ирылацәажәан Адәныҟатәи аусқәа рминистрраҿы имҩаҧгаз абрифинг аҟны.

Аусуратә ҭаара март ҧшьба инаркны жәбанӡа имҩаҧысуан. Аҧснытәи аделегациа иалан Москва иҟоу Аҧсны Ахәаахәҭратә хаҭарнак   Олег Барцыци, Аҧснытәи аҳәынҭқарратә университет аректор Алеко Гәарамиеи, адәныҟатәи аусқәа рминистрра аусзуҩцәа Мадина Зыхәбеи Ҭенгиз Ҭарбеи.
Ҳтәыла ахаҭарнакцәа Венесуела ахада Уго Чавес идунеи иҧсахижьҭеи ҧшьышықәса аҵра иазкыз агәаларшәаратә усмҩаҧгатәқәа рхы рыладырхәит.

Аҭаара аамҭа иалагӡаны, аделегациа алахәыла Олег Барцыц аинвестициақәеи адәныҟатәи  ахәаахәҭреи рминистр Хесус Фариа диҧылеит. Аиҧылараҿы аҩтәылак рыбжьара аекономикатә усеицура азҵаарақәа ирылацәажәеит.

Олег Барцыц иара убас иазгәеиҭеит, Аҧснытәи  аҳәынҭқарратә телерадиоеилахәыреи  амедиа-холдинг “TELESUR”  (Телесьюр)  рыбжьара ателехәаҧшратәии аинформациатәии ахырхарҭақәа рыла  аусеицуразы Аиқәшаҳаҭра анапаҵаҩра шымҩаҧысыз. Ари Аиқәшаҳаҭра Аҧсны аинтересқәа жәларбжьаратәи арена аҿы разхаҵареи рӡыргареи рзы акырӡа зҵазкуа усуп.

Даур Ақаҩба иажәақәа рыла, ҳтәыла ахьыҧшымра азхазҵаз  аҳәынҭқаррақәеи ҳареи аимадара ҳабжьазароуп, есааирагьы  хра злоу аусецуратә  еизыҟазаашьақәагьы аҧаҳҵозароуп.

Саид Џьарсалиа, Ҭемыр  Гогохьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК