Аҟәа имҩаҧысит ашәахтәқәеи аизгақәеи рминистрра аусзуҩцәа рзы асеминар.

17.03.2017
123

Аҟәа  имҩаҧысит ашәахтәқәеи аизгақәеи  рминистрра  аусзуҩцәа рзы асеминар. Уи хықәкыс иаман аминистрра аусзуҩцәа есымшатәи русураҿы ирызцәырҵуа азҵаарақәа реилыргара.  

Ашәахтәқәеи аизгақәеи рзы аминистрра  есышықәса еиҿнакаауеит хаҭала ашәахтә аизгара знапы алакыу ауаа русура аҟны ирҧыло азҵаарақәа ахьеилдырго асеминарқәа.

Ашәахтәқәеи аизгақәеи рзы аминистр Даур Кəрмазиа дрылацәажәеит ашәахтә закәанҧҵараҿы  иҟоу ауадаҩрақәа. Иара иҳәеит Аҧсынтәыла ахьынӡанаӡааӡо ашәахтә закәанҧҵара қәнагала аус ауртә еиҧш аҭагылазаашьа шаҧҵатәу. Хаҭала ишаҧыхтәу ашәахтә алхырҭақәеи ашәахтә зшәоуи ирыбжьало азеилибамкаарақәа, урҭ зыхҟьо амзызқәа  шеилкаатәу, наҟ-наҟ русураҟны ҧынгыла ҟамларц азы.
Ашәахтәқәеи аизгақәеи рзы аминистр ихаҭыҧуаҩ Александр Гәлиа иазгәеиҭеит, араионтә ҟәшақәа рахьынтә ироуа азҵаарақәа зегьы аминистрраҿы иаҧҵоу  азакәанҧҵаратә комиссиаҿы ишахәаҧшуа.

Ари аиҧылара ҭаацәашәала ишырҳәо еиҧш имҩаҧган.Зусура гәцаразкуа, ҭакҧхықәрала иазнеиуа зегьы ироуит ирыхәаша абжьгарақәа.

Ҳамидан Гәымҧҳа, Саид Агәхаа, А.Т



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Загрузка плеера
Алаҳәарақәеи адныҳәаларақәеи
АГТРК
        Вставить Flash