Аҧсуа поетцәа ражәеинраалақәа реизга «Сухумская крепость» аӡыргара мҩаҧысит.

17.03.2017
741

Аурысшәахь еиҭаганы  Москва иҭыжьу ҳаамҭазтәи  аҧсуа поетцәа ражәеинраалақәа реизга «Сухумская крепость» аӡыргара мҩаҧысит Иван Папасқьыр ихьӡ зху Аҧснытәи  амилаҭтә библиотекаҿы.

Аизга «Сухумская крепость» ианылеит зеижәҩык аҧсуа поетцәа ражәеинраалақәа. Уи аӡыргара иаҭааит ашәҟәыҩҩцәа расоциаициа ахаҭарнакцәа, аҵарауаа,  акультура аусзуҩцәа,  аҿар. Москва иҟоу жәаф ҳәынҭқарра рхаҭарнакцәа зҵазкуа жәларбжьаратәи ашәҟәыҩҩцәа реидгыла аилазаараҿы ауп ашәҟәы аҭыжьра ахьалыршахазгьы.

Ашәҟәы еиқәиршәеит Вахтанг Аҧҳазоу. Ашәҟәы иану апоет Гьаргь Гәыблиа иажәеинраалақәа руак ахьӡ ауп аизгагьы иахьыӡхаз.

Аҧсны Жәлар рпоет Мушьни Лашәриа ари ашәҟәы ианылаз иажәеинраалақәа иреиуоуп «Форель и Соловей», «Старик и снег,» «Желание зимы» реиҧш иҟоу егьырҭ аҧхьаҩцәа бзиа еицырбахьо ирҿиамҭақәагьы.
Ашәҟәы зажәеинраалақәа анылаз апоетцәа дреиуоуп, Терент Ҷаниагьы. Уи иқәгылараҿы иазгәаиҭеит, аҧсуа поет адунеи аҿы дырдыруа дҟаларц азы, аурыс литература аҟынгьы дцәырҵуазар ауп.

Ашәҟәы иагәылоу ажәеинраалақәа еиҭаргеит аҧсуеи аурыс шәҟәыҩҩцәеи. «Сухумская крепость» алитература абзиабаҩцәа ҳаамҭазтәи аҧсуа поезиа агьама днаркуеит.

Наала Чхьынџьериаҧҳа, Асҭамыр Гәажәба, Леон Адлеиба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК