Дырмит Гәлиа ихьӡ зху Аҟәатәи аҧшьбатәи абжьаратә школ аҿы имҩаҧысит ареспубликатә рҿиаратә еицлабра «Акалам аҧышәара».

17.03.2017
210

Дырмит Гәлиа ихьӡ зху Аҟәатәи аҧшьбатәи абжьаратә школ аҿы имҩаҧысит ареспубликатә рҿиаратә еицлабра «Акалам аҧышәара». Уи рхы аладырхәт Аҧсны араионқәа рҟынтә ашколхәыҷқәа. Аконкурс шьақәгылан х-номинациак рыла; апублицистика, асахьаркыратә ҧхьара, аилиустрациа. Сынтәа ари аконкурс адҳәалоуп  Аҧсны жәлар рпоет Ҟабарда- Балкариеи  Адыгеи жәлар  рышәҟәыҩҩы, Дырмит Гәлиа  ихьыӡ зхыу Аҳәынҭқарратә премиа алауреат Баграт Уасил-иҧа Шьынқәба диижьҭеи  шәышықәса аҵра.
Ҳбызшәа аҿиареи аихаҳареи хықәкыс измоу арҭ  аицлабрақәа уажəшьҭа  итрадициахахьеит. Агәахәара унаҭоит Аҧсны араионқәа зегьы рҟынтә ашколхәыҷқәа аицлабра  иахьазҿлымҳау.  Раионцыҧхьаӡа-  Гал, Ҭҟәарчал, Очамчыра, Гәылрыҧшь, Гәдоуҭа, Гагра, Аҟәа еизгоу акомандақәа еиҿкааны излацәажәараны иҟоу атема заа иҭырҵаауеит, анаҩс, аицлабраҟны, угәы иаахәартә еиҧш, рдыррақәа аадырҧшуеит.
Гагратәи   акоманда алахәылацәа Цандрыҧшьтәи  аҩбатәи абжьаратә школ   аҵаҩцәа раҧхьаӡа акәны ас еиҧш зымҽхак ҭбаау аицлабра рхы аладырхәуеит, дара агәыҕра рымоуп  рдыррақәа раарҧшра рылшап ҳәа.
Очамчыратәи   акоманда иалоу изныкымкәа рхы рыладырхәхьеит ас еиҧш иҟоу аицлабрақәа, Ирҳәоит уи дара рзы ишҧышәа дуу.
Аицлабра ахәыҷқәа аднаҧхьалартә еиҧш х-етапкны имҩаҧысуеит: апублицистика, асахьаркыратә ҧхьара, аиллиустрациа. Аҧсны аҵареи аҵарадырреи рминистр ихаҭыҧуаҩ  Медеиа Ченгелиа лажәақәа рыла,    абас ала аицлабра ашьақәыргылара иара ахаҭабзиара ҳаранакуеит, насгьы   ахәыҷқәа еиҳа аинтерес днаркуеит.

Аицлабрақәа ах-етапкгьы ирылахәын акомандақәа  рыҟнытә  аӡәаӡәа. Аҵаҩцәа рыдҵа анагӡаразы рылшареи ргәырҵҟәыли аадырҧшыр акәын. Апублицистикатә номинациала иқәгылаз ашколхәыҷқәа хазы ауадаҿы иҩуан. Дара дҵаны ирыдын Баграт  Шьынқәба иҩымҭақәа рҟынтә ирыдгалаз атемақәа рахьтә  еиҳа ирзааигәоу ак алхны  аҩра.  Уи иазҧҵәаз сааҭк рыҽҭагӡаны атема аадырҧшыр акәын.  
Аноминациа асахьаркыратә ҧхьара акәзар, араҟа ашколхәыҷқәа  еилыкка  Баграт Шьынқәба  иажәеинраалақәа   ирыҧхьон.

Аиллиустрациатә номинациа ала ашколхәыҷқәа иҭырхуан  Б.Шьынқәба иҩымҭақәа шьаҭас измаз асиужетқәа. Ашколхәыҷқәа рдыррақәа раарҧшышьа  ахәшьара арҭон аӡбаҩцәа

Аицлабра «Акалам аҧышәара» иаҭааз Аҧсны аҳәынҭқарра ахада иабжьгаҩ Владимир Занҭариа, аҵарауаа, ашәҟәыҩҩцәа, асахьаҭыхыҩцәа актиорцәа  Баграт Уасил-иҧа Шьынқәба иҭаацәа ашколхәыҷқәа разыҟаҵара рбызшәа аҳаҭырқәҵашьа ахәшьара ҳаракны  иршьеит.

Аицлабра ахырқәшамҭаз иҟаҵан аихшьаалақәа. Апублицистикатә номинациаҿы актәи аҭыҧ  еиҩыршеит Аҟәа ақалақь актәи абжьаратә школи Гагра араиони.  Аҩбатәи аҭыҧ Гәдоуҭа   Аҟәеи рраионқәа, ахҧатәи аҭыҧ  еиҩыршеит араионқәа  Гали   Ҭҟәарчали.

Аиллиустрациатә номинациаҿы актәи аҭыҧ  ааннакылеит Аҟәа ақалақь, аҩбатәи аҭыҧ еиҩыршеит   Очамчыреи   Гали  ркомандақәа, ахҧатәи аҭыҧ     Аҟәатәи  актәи ашколи  Гагреи Тҟәарчалааи ркомандақәа.  
Аноминациа асахьаркыратә ҧхьара аҿы актәи аҭыҧ ааныркылеит Тҟәарчалаа  , абҩатәи  -   Аҟәааи  Гаграаи  , ахҧатәи аҭыҧ-  Галааи   Гагратәи алицеи интернати.  

Ҳ. Гәымҧҳа, Беслан Чхьынџьериа,  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Загрузка плеера
Алаҳәарақәеи адныҳәаларақәеи
АГТРК
        Вставить Flash