Очамчыра араион ахадара ариаҵәаратә нхамҩеи, аҿари аспорти рыҟәшеи ақалақь ахаҿра арҧшӡаразы аусурақәа мҩаҧыргеит.

20.03.2017
697

Очамчыра   араион  ахадара    ариаҵәаратә    нхамҩеи,    аҿари  аспорти    рыҟәшеи   ақалақь  ахаҿра   арҧшӡаразы   аусурақәа   мҩаҧыргеит.   Амшын   аҧшаҳәаҿы   еиҭарҳаит     хыҧхьаӡара рацәала    ашәҭқәеи,  аҵиаақәеи.
  
Очамчыра  ақалақь  иахьаҵанакуа   амшын   аҧшаҳәаҿы  аусурақәа  маҷымкәа     имҩаҧыргахьан   иаҳхысыз    ашықәс  азгьы.  Ауааҧсыра  ҧсшьара     ианааиуа    рырманшәаларазы  араҟа     километрак иназынаҧшуа   акаҭран       шьҭаҵоуп, иргылоуп      атәарҭақәа ,  аӡхьыршарҭақәа.  Иазгәаҭатәуп,    есышықәса     Очамчыра  ақалақь   иаҭаауа    аҧсшьацәа   рхыҧхьаӡара     ишазҳауа. Убри   азоуп    аҧшаҳәа  ахаҿра    аиҕьтәразы    акциа     зымҩаҧгазгьы.   Араион  ахадара  ариаҵәаратә нхамҩеи аҿари  аспорти  рыҟәшеи    рымчала   араҟа   еиҭаҳан     хыҧхьаӡара рацәала     ашәҭқәеи  аҵиаақәеи  . Аҧхьаҟа   иазгәаҭоуп амшын  аҧшаҳәа  иахьаҵанакуа   апарк   аҿы  ашьац жәла  алаҵара.   Акциа    аиҿкааҩцәа  иазгәарҭеит  дара  зегь  раҧхьаӡа иргыланы    хықәкыс  ишрымоу   амшын  аҧшаҳәа    ҧаса  иамаз  ахаҿра    азырхынҳәра,    арахь  ҧсшьара  иааиуа  рыбла   аҧшӡара  ихнахуа  аҟаҵара.

Аха   иазгәаҭатәуп,   араҟа  даҽа  проблемак   шыҟоу. Ақалақь  аҿы    имаҷым   арахә  ззану   ауааҧсыра.  Хылаҧшрада   ақалақь  иалоу   арахә   иҧхасҭартәыр  рылшоит  амшын аҧшаҳәаҿы    еиҭарҳаз   ашәҭқәа. Араион    анапхгара  рхаҭарнакцәа арахә змоу   зегьы     ирҭааны ргәырҽанырҵеит   дара рхы иаужьны ақалақь    иаларымҵарц  азы.  Араион ахада   Хьрыҧс     Џьапуа   иазгәеиҭеит,    арахә     аанкыламзар   ада  ҧсыхәа    шыҟам.    Ауааҧсыра     рахьгьы аҳәара   ҟаиҵеит      иахьынӡауа  ала  ари  азҵаара   ахаҵгылара  арҭарц.
Акциа    аиҿкааҩцәа  иазгәаҭаны ирымоуп   ақалақь  ахаҿра  арҧшӡаразы   аҧхьаҟагьы    аусурақәа   рыцҵара.

  А. Корсаиа,  А. Маланиа,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК