Баграт Шьынқәба Ҷлоутәи иҩны- амузеи аҟны иазгәарҭеит апоет диижьҭеи шәышықәса аҵра.

21.03.2017
1447

Баграт Шьынқәба Ҷлоутәи иҩны- амузеи аҟны иазгәарҭеит апоет диижьҭеи шәышықәса аҵра. Уи иалахәын Аҧснытәи ашәҟәыҩҩцәа Реидгылеи, рассоциациеи рхаҭарнакцәа, ауниверситет астудентцәа, апоетцәа, ашәҟәыҩҩцәа, ашколхәыҷқәа.

Шәышықәса раҧхьа, маи жәаҩа рзы, Ҷлоу ақыҭа Лаганиахә Уасил Шьынқәба иҭаацәараҿы диит аҵеи , заҧхьаҟа апоезиа амҩа анылара лахьынҵас измаз, ауаажәларратә усзуҩы- Баграт. Уажәы ари аҩны музеис иҟаҵоуп. Машәырны акәӡам март ҩажәиак рзы Баграт Шьынқәба ииубилеи амузеи аҟны азгәаҭара заҧшьыргаз. Аиҧылара аҟны Ҷлоутәи абжьаратә школ аҵаҩцәа рҽынеиҭныҧсахло ирыҧхьон Жәлар рпоет иажәеинраалақәа.

Аиубилиар изкыз аиҧылараҿы иқәгылоз апоетцәеи, ашәҟәыҩҩцәеи ирҳәон, аҧсуа бызшәа ҧхьаҟатәи аҧеиҧш бзиа шамоу. Уи арҵабыргуан Баграт Шьынқәба изкыз Ҷлоутәи аиҧылара. Аиҧылараҿы иқәгыланы ицәажәоз убасгьы ирыҧхьеит Баграт Шьынқәба иажәеинраалақәеи, рхатәы ажәеинраалақәеи. 

Баграт Шьынқәба диижьҭеи шәышықәса аҵра азгәаҭара ишахәҭоу аиҿкааразы Аҧсны Ахада Иуҧсҟала иаҧҵоу аҳәынҭқарратә комиссиа напхгара азиуеит Аҧыза- министр Беслан Барцыц. Иара алахәылацәа еиҿыркаахьеит иазгәаҭаны ирымоу ауснагӡатәқәа рплан. Баграт Шьынқәба изкны х- сааҭк инарзынаҧшуа ицоз Ҷлоутәи аиҧылара аҟны иҳәан, Жәлар рпоет дызнысыз арҿиаратәи ауаажәларратәи усура атәы. Ирыҧхьан ажәеинраалақәа.

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК