Апоезиа жәларбжьаратәи амш азгәарҭеит иара убас Очамчыра араионтә библиотекаҿгьы.

21.03.2017
751

Апоезиа жәларбжьаратәи  амш азгәарҭеит  иара  убас    Очамчыра араионтә   библиотекаҿгьы.    Араҟа  имҩаҧысит «Шәааи ҳаиқәшәап аҩызцәа, ҳаҧсы еицаҳшьап»,-   ҳәа хыс измаз аныҳәатә хәылҧазы. Ахәалҧаз рхы аладырхәыр рылшон апоезиа абзиабаҩцәа зегьы.  

Апоезиа – зегь реиҳа иуадаҩу, ауаатәыҩса ргәырҵҟәыл аҧшьгарақәа иреиуоуп. Апоезиатә ҳәаақәа рыҽҭагӡаны рифмала еинрааланы,  еихышəшәо ицо ажәа ссирқәа аҧызҵо ауаа-апоетцәа, хымҧада, иҧсабаратәым мчык рхоуп.

Апоезиа амшныҳәа азгәаҭара ҳауаажәлар рыҧсҭазаараҟны аҵак ду шамоу аанарҧшуеит Очамчыра араионтә библиотекаҿы имҩаҧгаз апоезиатә хәылҧазы. Уи рҽаладырхәт хаҭала ашәҟәыҩҩра знапы алакыу, апоезиа ҳаҭыр ақәызҵо аӡәырҩы   аҧсуа интеллигенциа рхаҭарнакцәеи, ашколхәыҷқәеи, астудетцәеи.

Уаареигәырҕьаратәы рхатә жәеинраалақәа ирыҧхьоз ахәыҷқәа рлакҭақәа ирхыз агәазҳара ахәаҧшцәа ирцәырӡомызт. Иумбарц залшомызт, аҿар рхатәы бызшәа ишалаҽхәо. Беслан Габелиа афилологиатә факультет аҩбатәи акурс аҿы аҵара иҵоит. Иара иҳәоит, ас еиҧш иҟоу ахәылҧаз    дахьалахəу  насыҧ иманы ишиҧхьаӡо.

Апоезиа ахәылҧаз аҟны рҩымҭақәа ирыҧхьон  еиуеиҧшым аусбарҭақәа рҿы аус зуа ауааҧсыра. Аҟазацәа рықәгылара, ахәылҧаз иацыз ацәанырра ҳаракы иҵегь иханарҭәааит исахьаркыу апоезиа абызшәа зегьы ирнырит, иаҳәынҷеит.

Анаҩс рхатәы жәеинраалақәа ирыҧхьеит   апоезиаҿы     зхы  ҧызшәо  , апоезиа амчра зныруа зегьы.

Ахәылҧаз апрограмма акыр ибеиан: араҟа имҩаҧган еиуеиҧшым аконкурсқәа, авикторинақәа, гәахәара дула  ирыдыркылеит ашәаҳәарақәа, акәашарақәа.

Ҳамидан Гәымҧҳа, Ҭемыр Гогохьиа,АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
49
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
79
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК