2016 ш рзы, февраль мзазы, Асухановаа рҭаацәараҿы амашәыр ҟалеит.

22.03.2017
570

2016 ш рзы, февраль мзазы,  Асухановаа рҭаацәараҿы амашәыр ҟалеит. Хә-ҩык ахшара   зыҩназ аҩны амца акын иблит. Аҭаацәа Ду  хыҵакырҭа рымамкәа иаанхеит. Арыцҳара иақәшәаз  аҭаацәа  иахьа ҳкорреспондентцәа рҭааит.

Аҩны аҧшәма Зелимхан Асуханов Аҧсны Аџьынџьтәылатә еибашьра даветерануп, «Агәымшәаразы» амедал ианашьоуп.  Аибашьра ишалагаз еиҧш, хатәгәаҧхарала  Нхыҵ Кавказнтәи иааны Аҧсны еибашьуаз дреиуоуп. Аибашьра анеилга ашьҭахь, иара даанхоит Аҧсны, араҟа аҭаацәарагьы аҧиҵоит.
Зелимхан Асуханов иҧшәмаҧҳәыс лажәақәа рыла, аҩны амца анакы, рхы зланыҟәырго ҳәа акгьы рзалымгакәа зегьы налаблы ицеит.

Иахьазы аҭаацәа  рыҩны аган аҿы иҟоу ақьаҧҭаҿы игылоу  хыбра хәыҷык иҩноуп.
Асухановаа рҭаацәара ас еиҧш амашәыр ианақәшәа, ауаажәларратә еиҿкаара «Кьараз» маҭәала фатәыла уҳәа  ирылшоз ала ацхыраара   рыҭо иааиуеит.  

Аиҿкаара аиҳабы Кама Гәаҧиаҧҳа лажәақәа рыла,  аҭаацәара иблыз рыҩны ахаҭыҧан аҿыц  аргыларазы ахәҧса шьақәыргылоуп. Уи 2 миллион мааҭ иреиҳауп.

Иахьазы, аиҿкаара, аҩны ҿыц аргыларазы аҧара еизнагоит.  
Хаҭалатәи аилазаарақәеи ажәлар иаадырҧшуа агәыҳалалреи  ирыбзоураны  макьаназ  еизгоуп ҩышәи ҩынҩажәа нызқь мааҭ рҿынӡа аҧара.

Агәыҕра ыҟоуп арыцҳара иақәшәаз ҳаҧсадгьыл ахьчаҩ  иҭаацәа рыцхрааразы агәаҳәара змоу ауаа иҵегьы ҟалап ҳәа.

С. Џьарсалиа, Л. Адлеиба,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК