Фазиль Искандер иҩымҭала, Аҧсны иҭыху афильм «Софичка» аҿы ароль хада налыгӡоит аҧсуа ҭыҧҳа Лана Басариаҧҳа.

22.03.2017
828

Фазиль Искандер иҩымҭала, Аҧсны иҭыху афильм «Софичка» аҿы ароль хада налыгӡоит аҧсуа ҭыҧҳа Лана Басариаҧҳа. Лара длыдылкылеит Аҧсны акультуреи, аҭоурыхтә культуратә ҭынха ахьчареи рминистр Ельвира Арсалиаҧҳа.

Акультура аминистр Ельвира Арсалыиаҧҳа, актриса қәыҧш дылҧыло длыдныҳәалеит афильм аҭыхра қәҿиарала иахьхыркәшахаз. Иара убасгьы иазгәалҭеит, Аҧсны иқәынхо зегь рзы даара акыр шаҵанакуа ари аҩыза афильм аҭыхра ҳтәылаҿы иахьалыршахаз.

  «Софичка» аӡыргара еиҿыркаахьеит аҳәаанырцә, ақалақьқәа Таллин, Москва, Нальчик. Иазгәаҭатәуп, ааигәа Дублин  имҩаҧысуаз акинофестиваль «Шелковый путь» аҿы, афильм «Софичка» шалыркааз абарҭ аноминациақәа рыла -“иреиҕьӡоу арежиссиор”, “иреиҕьӡоу асахьаркыратә фильм”, “иреиҕьӡоу аҧҳәыс  лроль”, ҳәа. Ҳара ҳкультура ззымдыруа изы, ари даара аартра бзиак иаҩызоуп, лҳәоит Аҧсны акультуреи, аҭоурыхтә культуратә ҭынха ахьчареи рминистр Ельвира Арсалиаҧҳа.

Лана  Басариаҧҳа, “иреиҕьӡоу аҧҳәыс лроль” ҳәа ахьӡ аиура зынӡаскгьы дазыҧшӡамызт. Лана илҳәоит, ас еиҧш иҟоу ахьӡ, ҳамҭак аҳасабала иахьланашьахаз, лара мацара ишлыбзоурам, уи афильм аус адызулоз зегьы рџьабаа ишалҵшәоу. Акино -ари зынӡа даҽа дунеиуп. Араҟа актиорцәа зегьы даҽа ҧсҭазаарак ауп иаадырҧшуа,- лҳәоит Лана Басариаҧҳа. Иара убасгьы иазгәалҭеит, гәахәара дула ишлыдылкылаз ари афильм аҿы ароль хада анагӡара.

Фазиль Искандер иҩымҭала иҭыху афильм «Софичка» аҟны ахҭыс мҩаҧысуеит ашьха ашьапаны ишьҭоу аҧсуа қыҭақәа руак аҿы. Афильм иалахәуп аҧсуа артистцәагьы. Асахьаркыратә фильм арежиссиорс дамоуп Александр Сокуров иҟазарҭа аушьҭымҭа Кира Коваленко. Афильм аҿы актиорцәа аҧсышәалоуп арольқәа шынарыгӡо, урыс бызшәала асубтитрқәа ацуп.  Ҳазҭоу ашықәс иалагӡаны  ари афильм дырбара еиҿкаахоит Аҧсныгьы.

Наала Чхьынџьериаҧҳа, Асҭамыр Гәажәба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК