24 шықәса ҵит Аҧсадгьыл ахь архынҳәразы аҳәынҭқарратә еилакы аҧҵоижьҭеи

23.03.2017
708

Ҳџьынџьуаа рыҧсадгьыл ахь рырхынҳәразы аҳәынҭқарратә еилакы ҩажәи ҧшьба шықәса ахыҵра азгәарҭеит аиҿкаара аусзуҩцәа.

Аҧсадгьыл ахь архынҳәразы аҳәынҭқарратә еилакы аҧҵан Владислав Арӡынба Иусҧҟала март 23, 1993 шықәса рзы Аҧсны Аџьынџьтәылатә еибашьра анцоз аамҭазы. Ари аиҿкаара хықәкы хадас иаман Аҧсни аҳәаанырцә иҟоу ҳџьынџььуааи реизыҟазаашьақәа рырҕәҕәаразы. Иахьа Аҧсадгьыл ахь архынҳәразы аҳәынҭқарратә еилакы ахыбраҿы имҩаҧысит ари арыцхә азгәаҭара иазкыз аусмҩаҧгатә. Ари аусмҩаҧгатә иалахәын Иури Воронов ихьӡ зху Аҟәатәи ахҧатәи абжьаратә школ аҟны аҵара зҵо Шьамтәылатәи Аҧсныҟа нхара ииасыз ҳџьынџьуаа рхәыҷқәа. Урҭ аҧсышәала ажәеинраалақәа ирыҧхьеит, ашәақәа нарыгӡеит.

Аилак 24 шықәса ахыҵра иазкны иҭыҵит «Дал, Ҵабал» ҳәа хыс измоу аҵарауаҩ Руслан Гәажәба ишәҟәы.

Аҧсадгьыл ахь архынҳәразы аилак атәылауаҩра аҟәша аиҳабы Римма Ашьхаруа ари аиҿкаараҿы аус луеит ианаҧырҵа аҽны инаркны. Уи лажәақәа рыла, ари аамҭа иалагӡаны ҧшьнызқьҩык рҟынӡа ҳџьынџьуаа рыҧсадгьыл ахь нхара ҳәа иаахьеит. Ҳџьынџьуаа рыҧсадгьыл ахь рырхынҳәра аус арманшәаларазы 1998 шықәсазы еиҿкаан абиуџьет анҭыҵтәи афонд. Ҵыҧх уи шәи ҩынҩажәи хҧа миллион рҟынӡа инаӡеит. Аҳәынҭқарратә программа инақәыршәаны, арҭ аҧарақәа ҳџьынџьуаа нхарҭатә ҭыҧла реиқәыршәареи иара убас е иуеиҧшым ацхыраара рыҭареи иазкуп.

 Саид Џьарсалиа, А. Гәажәба , АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК