Агәаҽанызаара аҭахуп. Асоциалтә даҟьаҿы ицәырҵыз ахәмаррақәа аҿар рзы ашәарҭара рыцуп.

24.03.2017
517

“Синий кит”, “море китов”-   захьӡу,  асоциалтә даҟьақәа рҿы аҿар зызҿлымҳау ахәмаррақәа жәпакы Урыстәыла ашәарҭара ҳаракы зцу ҳәа иҧхьаӡаны раанкыларазы аҽазышәарақәа ҟаҵан. Ахәмарра зхәыцыз иакәзар, иганахь ашьауҕатә усҭҵаара хацыркын. Арҭ ахәмаррақәа ааӡеит Аҧснынӡагьы, ишеилкаахаз ала ҳтәыла ашколхәыҷқәа иара иазҿлымҳауп, уи моу аҽалархәразы ааҧхьара иазыҧшугьы ыҟоуп. Аҧсны аҵарадырра аминистрра ашколқәа реиҳабацәа  ргәы рҽанырҵеит, ари апроблема ҳара ҳҟынгьы иҵарны иқәгылар шауа азы. Уи иазкны имҩаҧган аилацәажәарагьы.

«Синий кит», мамзаргьы «море китов» захьӡу ахәмарра Урыстәыла аларҵәара аиуит асоциалтә даҟьа инстаграмм ахархәаҩцәа рыбжьара. Аамҭа кьаҿк иалагӡаны уи зҽалазырхәыз рхыҧхьаӡара шә-нызқьҩык рҟынӡа ихалеит, анаҩс мызқәак рыҩныҵҟа миллионҩык рҟынӡагьы. Азныказы зыхьӡ шәарҭара ацым  ахәмарра аҟазшьа аилкаара уадаҩуп. Ахәмарра аҽалархәразы аҳәара аныҟауҵалак анаҩс, ахәмарра акураторцәа ҳәа изышьҭоу  зыхьӡ аарҧшым ауаа ахәыҷқәа рзыҩра иалагоит. Аханатә еилыркаауеит  ахәмарра иаларҵо иҧсихологиатә ҭагылазаашьа зеиҧшроу, имоу агәаҕьра, иҭаацәеи иареи реизыҟазаашьақәа. Маҷ-маҷ  ахәмарра иаларгало имаӡақәа уи иаиҳәо далагоит. Ихәмарырц зҭаху иҟазшьа анҭырҵаалак анаҩс ауп адҵақәа иҭара ианалагогьы. Апсихологцәа ражәақәа рыла, аиҳаракгьы уи зҽалазгало аҭаацәа рҟынтә агәцаракра маҷны измоу, зҭаацәа рыҧхарра ззымхо ахәыҷқәа роуп. Ус уҳәар ауазар, ахәмарра акураторцәа аамҭак азы аҭаацәа зызҿлымҳам ахәыҷы иҩныҵҟатә гәаҭахрақәа реилкаарала ихырхуеит.

Ахәмарра иамоуп аҩаӡарақәа ҩынҩажәи жәаба, аҵыхәтәантәи, аҩынҩажәи жәабатәи - афиналтә ҳәа иҧхьаӡоуп, уи назыгӡо дҵас имоуп аҽшьра. Азныказы агәрагара уадаҩуп, ахәыҷқәа зны-зынла адуцәа раасҭа аинформациа анрымоу аамҭазы, абри аҩыза агәра зго, мамзаргьы иақәшаҳаҭхо ыҟоума ҳәа. Иагьа иуадаҩзаргьы уи хазҵо ыҟоуп. Урыстәыла ари ахәмарра иахҟьаны зықьҩыла аҿар рыҧсҭазаарақәа ирылҵхьеит, Аҧсны акәзар, Анцәа иџьшьаны ари аҩыза ахҭысқәа аҭыҧ рымамзаргьы, уи иаднаҧхьалаз ыҟоуп рҳәоит.

Ари азҵаараҿы ашкол акәӡам аҭакҧхықәра зду. Избан акәзар , аҩны аҭаацәа ирбозар ауп рхәыҷы ихымҩаҧгашьа. Ахәмарра иалоу иаразнак рҽырыҧсахуеит, рыгәҭахәыцрақәа рҵәахуа, ацәажәара мыцхәы ирҭахымкәа иҟалоит. Иара убасгьы ирныҧшуеит ацәа шырзымхо, избан акәзар адҵақәа аиҳаракгьы уахынла ауп ианырзаауа. Аҵара аминистрреи Аҟәа ақалақь ахадара аҵара аусбарҭеи рнаҧхгаҩцәа злахәны имҩаҧысыз аилатәараҿ иҟан ашколқәа реиҳабацәа, аҭаацәа, апсихологцәа, зықәра наӡам ахәыҷқәа русқәа рзы амчратә усбарҭақәа рхаҭарнакцәа.

Аилатәара иалахәыз еицҿакны ирҳәоит, ишиашам ашкол ахь иныҟәо ахәыҷқәа зыхә цәгьоу аҭелқәа дыркра, иара убасгьы урҭ аинтернет  ианаарҭаху аҭалара алшара рыҭара. Анкьа аурокқәа рыбжьара иҟаз аамҭазы анаҩстәи аҵатәхәы рҽазыҟарҵон, уажәы аҧсшьарахь аҵәҵәа шааҟалаз аиҧш аҭел шьҭҧааны аинтернет иҭалоит. Ари ахәыҷы игәабзиара ахьыҵнашәаауа адагьы  иҧырхагоуп, игәы ҭынчны аурок азыӡырыҩрразы. Арҵаҩцәа ирҳәеит, аҭааацәа рахь аҳәара шыҟарҵо ари азҵаараҿы адгылара рырҭарц азы. Ахәыҷы аҭел ада ҧсыхәа имамзар, зыхә дуум, аинтернет змам аҭел идыркыр ауеит. Ҳәарада иҟоуп уи иашоуп  ҳәа иақәшаҳаҭхаз, аха имаҷҩым ҳәаҭыхла иаҿагылазгьы. Ари азҵаара еицаҳзеиҧшуп зегьы, ҳхәыҷқәа рыхьчаразы, ашәарҭара деилыркааразы зегь ҳамчқәа еилаҳҵар ауп. Уи адагьы лҵшәа ҟалашьа амаӡам.
Аилатәараҿы иқәгылоз аҧсихологцәа ирҳәеит,  Аҧсны «синий кит» ахәмарра иаланы иалҵыз, мамзаргьы аҵыхәтәанәти аҩынҩажәи жәабатәи адҵаҿы инеины иаангылаз шыҟоу, иара убасгьы ишыҟоу алалара зҭахугьы. Ашколқәа реиҳабацәа иазгәарҭеит, иаартны апроблема ишалацәажәатәу. Иҧхашьараӡам ацхыраара иҭаразы ахәыҷы апсихолог иахь инагара, ахәыҷы иагьа дҿырҧшыгазаргьы иаҧырхагахом даҽазныкгьы ари ахәмарразы иидыруеи игәаанагареи разҵаара. Ари зегьы уи аҽацәыхьчара алнаршоит.
Иҟалап  адунеи зегьы  аҿы аларҵәара змоу  асоциалтә даҟьақәа  ҳара ҳҿы маҷк рхархәара аанкылахар иашазар. Иазгәаҭатәуп, ахәмарраҿы инарыгӡо адҵақәа зегьы  рҩызцәа ирбо ираҳауа аинтернет ишҭарҵо, уигьы акураторцәа рыдҵала. Ажәакала араҟа иуҳәаша даара ирацәоуп. Хықәкыс иҟоу акызаҵәык ауп-ахәыҷқәа рыхьчара, аҭаацәа ргәы рҽанҵара, изаҳауа  уи иацу ашәарҭара деилыркаара.

Иара убасгьы аҭиираҿы ицәырҵны иҟоуп Урыстәыла мап анацәырк Аҧсныҟа иааргаз ажаҳəагақәа. Аригьы «синий кит» иамоу адҵақәа рҩызцәа ануп. Иазгәаҭатәуп ишықәгыло азҵаара, Урыстәыла мап зыцәкыз, ишәарҭоуп ҳәа иҧхьаӡаз атауар аҭииразы Аҧсныҟа аагашьаз иаиузеи ҳәа? Аха уи даҽа темоуп. Уажәазы иҳәатәуп, иара аҭиира шыҟамло, избан акәзар ишьақәыргылоуп иара ашколхәыҷқәа зҿлымҳарыла ишаархәо. Аҭаацәа шәыхшара шәырхылаҧш, урҭ ргәабзиара ахәҭакахьала шәара шәнапы иануп.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК