Аҧсадгьыл ахьчаҩцәа- аҧырҩцәа ирызку «Аџьынџь ажәҩан ахьчаҩцәа» ҳәа зыхьӡхо абаҟа аргылара нап аркуп.

24.03.2017
661

Аџьынџьтәылатә еибашьра дуи Аҧсны Аџьынџьтәылатә еибашьреи раан  иҭахаз аҧсадгьыл  ахьчаҩцәа- аҧырҩцәа ирызку «Аџьынџь ажәҩан  ахьчаҩцәа» ҳәа зыхьӡхо абаҟа аргылара нап аркуп. Уи ықәыргылахоит Гәдоуҭа араион аҿы, аибашьраан  аҳаиртә баҕәаза  аҳасабала рхы иадырхәоз аҭыҧ  азааигәара.

Аҧсны Аџьынџьтәылатә  еибашьраан   Гәдоуҭа араион аҿы аҳаирпланқәа рыртәаразы еиҳа иманшәалаз аҭыҧ алхын. Аҧсны арбџьармчқәа рзы уи астратегиатә  ҵак ду аман. Араантәи ажәҩан иалалон усҟантәи аамҭазы аҧсуаа ирымаз аибашьыга ҳаирпланқәа.

Иҭахаз аҧырҩцәа ирызку абаҟа ари аҭыҧ аҿы ашьақәыргылара аус ахацыркразы аҧшьгаратә  гәыҧ  еиҿызкааз,  Аџьынџьтәылатә   еибашьра   аветеран,  аҧырҩы Џьамал  Ҳагба иоуп. Уи  иажәақәа рыла, ари  аус  аҿы  аҭыҧантәи ахадареи,  акультура аминистрра иатәу иҷыдоу амонументалтә  ҟазара акомиссиеи  ацхыраара рырҭеит.

Аҧшьгаратә  гәыҧ  алахәылацәа  макьаназы  аиқәыршәара иаҿуп абаҟа   ианыло   аибашьцәа  рсиа  . Уажәазы асиа иану аҧсуа ҧырҩцәа рхыҧхьаӡара  ҩынҩажәаҩык рҟынӡа инаӡоит.
Иахьазы, Абаҟа аргылара аплан ҭыхны еиқәыршәоуп, ашьапы ркхьеит. Абаҟа аргылара иақәхарџьтәуп ҩ-миллионнк мааҭ рҟынӡа. Ари аус аҟны ацхыраара рызҭо шыҟало агәра ргоит аветеранцәа.

Саид Џьарсалиа Асҭамыр Гәажәба, Адамыр Џьениа ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
34
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
19
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
55
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
29
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
31
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК