Аҧснытəи аҳəынҭқарратə музеи аҟны еиҿкаан хәажәкыра ныҳәа иазкыу ацәыргақәҵа.

24.03.2017
679

Аҧснытəи аҳəынҭқарратə музеи аҟны еиҿкаан хәажәкыра ныҳәа иазкыу ацәыргақәҵа. Уи аҭааҩцәа ирбартә алшара рыман аҧсуаа рқьабзтә ныҳәа аҭоурых.

Аҧсуаа хәажәкыра аныҳәа азгәарҭоит март азы. Иара хыҵхырҭас иамоуп амилаҭтә традициа . Хәажәкыра амҩаҧгара аан аҭаацәа Анцәа иҳәоит аҳауа бзиахарц, аҽаҩра еинҭәылан иҟаларц. Ацәыргақәҵа аиҿкааҩ аҳәынҭқарратә музеи аетнологиа аҟәша аиҳабы Инга Шамҧҳа илҳәеит , асеиҧш аусқәа рымҩаҧгара ҳмилаҭтә традициақәа реиқәырхара ишацхраауа. Амузеи аекспонатқәа рнаҩс ацәыргақәҵаҿы убасгьы аҭааҩцәа ирбон Аҟәатәи асахьаркыратә ҵараиурҭа астудентцәа рнапкымҭақәагьы. Ацәыргақәҵа аиҿкааҩцәа хәажәкыра ауха аныҳәа шымҩаҧырго еиҧш аишәа дырхиеит. Уи иқәын амилаҭтә традициатә чыс хкқәа.

Ацәыргақәҵа аҭааҩцәа убасгьы ирбон аҳаҟьа, акәыцҳа , акалаҭ уҳәа аҧсуаа рыбзазараҿы рхы иадырхәаз амыругақәа. Ахәыҷқәа ракәзар гәахәарыла ауаргьала иақәтәон. Даҽа џьоукы ахыцқәа рыла ихысуан. Аҳәынҭқарратә музеи аусзуҩцәа асеиҧш ҳмилаҭ рытрадициақәа ӡырызго егьырҭ ацәыргақәҵақәа реиҿкаарагьы хықәкыс ирымоуп. 

Д.Инаҧшьба, Алықьса Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
8
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК