Адунеи зегьы аҟны иазгәарҭоит атеатр Жәларбжьаратәи амш.

27.03.2017
358

Адунеи зегьы аҟны иазгәарҭоит атеатр Жәларбжьаратәи амш. Ари арыцхә азгәаҭаразы раҧхьаӡа акәны аӡбамҭа рыдыркылеит зқьи жәшәи хынҩажәи акы шықәсазы жәларбжьаратәи атеатр аинститут аделегатцәа ажәбатәи рконгресс аҟны. Атеатр амш - ари актиорцәа  рҟазаратә ныҳәа мацара акәӡам. Ари амш азгәарҭоит атеатр арежиссиорцәа, ақәыргылаҩцәа, алашареи абжьи рыла аиқәыршәаҩцәа,  ажәакала атеатр  ганрацәала знапы алаку зегьы. Ирыҧсҭазаашьоузеи иахьа Аҧсны иҟоу атеатрқәа.

Аҧсуа ҳәынҭқарратә театри , Аурыс драматә театри рзы  иҳаҩсыз   ашықәсқәа даара иуадаҩыз аамҭақәан. Аха  араҟа аус зуа зегьы рҟазарахь ирымоу абзиабара иабзоураны иахьа уажәраанӡагьы еиқәырханы иааргеит арҭ атеатрқәа рхәышҭаарақәа. Самсон Ҷанба ихьыӡ зху Аҳәынҭқарратә аҧсуа театр аҟны аус руеит ҩынҩыжәа-ҩык инареиҳаны актиорцәа. Урҭ иахьа лассы-лассы иқәдыргылоит еиуеиҧшым аспектакльқәа, уи азыҳәан алшарақәа зегьы рымоуп.

Актиорцәа ирҳәоит ишыуадаҩыз аибашьра ашьҭахьтәи ашықәсқәа раан ашьап ақәгылара. Рҟазара аџьабаа ду шацугьы, русура лафла , хәмаррала иазнеиуеит.

Урыстәыла  Аҧсны иазыҟанаҵо афинанстә цхыраара иабзоураны,  аҩ-театрк еиҭашьақәыргылан. Шықәсырацәала араҟа аус зуа актиорцәа  гәахәара дула иазгәарҭоит , арҭ атеатрқәа уажәы аиҭаҿиара амҩа ишану,  уажәшьҭа рҟазара ахәаҧшцәа рызнагараз аҭагылазаашьа шыманшәалоу. Еиҭарҿыцу асценеи актиорцәа рҽахьазыҟарҵо ауадақәеи ҳаамҭа иашьашәало техникала ишеибыҭо. Ари хымҧада, актиорцәа рыдагьы ахәаҧшцәагьы ргәалаҟазаара шьҭнахуеит.

Аҧсны зҽаҧсазтәыз артист Сырбеи Сангәлиа зқьи жәшәи хынҩажәи жәохә шықәса раахыс аҧсуа драматә театр аҟны аус иуеит. Ари аамҭа иалагӡаны уи инаигӡахьо арольқәа маҷым. Артист иҳәоит, аҵара далганы данааи атеатр аҟны усҟан аус зуаз уи ашьаҭаркыҩцәа     ирҭаз аҧышәа иахьа уажәраанӡагьы иҧсҭазаара зегь иагәылганы ишааиго.

Иҳәатәуп , аҧсуа театр аҟны актиорцәа ҿарацәа макьаназы  ишмаҷу. Аха уаргәырҕьаратә иҟоуп, Москва , Санкт- Петербург уҳәа аҧсуа студентцәа иреиҳаӡоу атеатртә  ҵараиурҭақәа рҟны аҵара ахьырҵо. Агәра ҳгоит  , урҭ  рҵара аныхдырқәшалак ашьҭахь, Аҧсныҟа ихынҳәны,  аҳәынҭқарратә театр аҟны рҟазара ишацырҵо. Ирацәаҩуп Аҧсынрагьы ари азанааҭ ала аҵара зҵо аҿаргьы.

Аҧсны жәлар рартист Софа Агәмаа лыҧсҭазаара зегь иузаҟәымҭхо атеатр иадҳәалоуп. Уи иахьагьы аҟазареи ааӡареи лнапы алакуп. Артист илҳәоит, актиортә занааҭ  даара ауадаҩрақәа шацу, убри азыҳәан зыҧсҭазаара асцена иадызҳәалар зҭаху , акыр ачҳара имазар шакәу.

Софа Агәмааҧҳа аҿартә театр лнапы алакуижьҭеи жәашықәса иреиҳауп. Ари аамҭа иалагӡаны уи илааӡаз артистцәа ҿарацәа  рхыҧхьаӡарагьы маҷым. Лара иаартны илҳәоит, актиорра злымшогьы шырацәоу. Сынтәа ашықәс алагамҭаз иҭалаз жәаҩаҩык рҟынтә ааҩык роуп инхаз.

Аҧсуа драматә театр аҟны уажәы аҧсҭазаара еилашуеит. Лассы-лассы ахәаҧшцәа дыргәырҕьоит еиуеиҧшым, ажәлар рыҧсҭазаара зныҧшуа , иахьатәи ҳаамҭа иашьашәалоу ақәыргыламҭақәа рыла. Иаарласны ҳдиаспора ааҧхьарала,Ҭырқәтәылаҟа  амҩа иқәлоит аҧсуа театр агәыҧ аспектакльқәа ҩба рыманы. Актиорра знапы алаку дарбанзаалак   идыруеит:  «Актиор бзиа изыҳәан иҽеим ароль ыҟаӡам».      


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
90
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК