120 шықәса ҵуеит Аҧсны ахақәиҭра азықәҧаҩ Уасил Лакоба диижьҭеи.

27.03.2017
781

120 шықәса ҵуеит Аҧсны ахақәиҭра азықәҧаҩ Уасил Лакоба диижьҭеи. Нестор Лакоба иарҕьажәҩаны ивагылаз Уасил Дмитри- иҧа харада ахара идҵаны дҭадырхоит 1934 шықәса рзы.

Иақәыб Лакоба еицырдыруа аҧсуа револиуционер Уасил Лакоба димаҭоуп. Иара уажәы аиқәыршәара даҿуп иабдуи, ивагылази рҭоурых атәы зҳәо акьыҧхьымҭа. Лыхны ақыҭан ииз Уасил Дмитри- иҧа ареволуциа аидеиақәа дырзықәҧаҩын. Илаҧшҳәааи идыррақәеи ҭбаан. Уасил Лакоба ареволиуциатә гәыҧ «Кьараз» аиҿкааҩцәа дыруаӡәкын. Иҳаҩсыз ашәышықәса аҩажәатәи ашықәсқәа рзы Уасил Лакоба маӡалатәи ареволиуциатә усурақәа мҩаҧигон. Дыҟан Аҧсны арратә полк аиҳабыс, ареспубликатә милициа анапхгаҩыс. Уасил Лакоба ддырбаандаҩит харада ахара идҧхьаӡалан. Дҭакын Қарҭ. Уаҟа ауп дахьҭадырхазгьы. 

Уасил Лакоба еиҧш убасгьы ақырҭқәа дҭадырхеит иҧшәма ҧҳәыс Шьамина Кьехьыр-ҧҳа - Бениа. Аҧсны ахақәиҭра азықәҧаҩ Уасил Дмитри- иҧа Лакоба данҭадырхоз ихыҵуан ҩынҩажәа шықәса.

 Д.Инаҧшьба, Ҭ. Гогохьиа,  АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК