Ицәырҵит даҽа хәаҷа хкык, Аҧсны аҧсабара аҧхасҭа азҭо.

27.03.2017
679

Ицәырҵит даҽа хәаҷа хкык, Аҧсны аҧсабара аҧхасҭа азҭо. Уажәазы ашәарҭа ҕәҕәа иҭагылар алшоит акурорттә ҭыҧқәа зырҧшӡо апальмақәа. Аҧсны апальмақәа ашәарҭара иҭагылоуп. Урҭ зфо «Пальмовый долгоносик» ҳәа изышьҭоу абжы ҟаҧшь амшын Еиқәа аҧшаҳәахьы иқәнагалеит Италиантә. 

Ахәаҷа абжы ҟаҧшь, апальма ада даҽа ҵиаак афом. Аха, убри аан иҳәатәуп, апальма ахкқәа зегь шыҧхасҭанатәуа. Абжы ҟаҧшь раҧхьаӡа акәны Аҧсны иахьцәырҵыз Гагра араион аҿоуп. Иара ахаҭа ахьыҧыруа иахҟьаны, уи аанкылара уадаҩуп. Уи апальмақәа рбыҕьқәа рҿы иахьаанахәо зехьынџьара ахҵәара ақәшәоит, анаҩс ибылтәхоит. Аҧсны аҭҵаарадыррақәа ракадемиа аекологиатә аинститут аиҳабы Роман Дбар иҳәеит, макьаназы акагь змыхьыц апальмақәа ахимиатә препатартқәа рыла рыхәшәтәра шалыршахо. Ари ахәаҷа ибжьнаххьо апальмақәа рхьыҧхьаӡара шьҭа имаҷӡам. Раҧхьаӡа акәны абжы ҟаҧшь гәарҭеит Шәача. Гагра араион иаҵанакуа аҧсшьарҭа ҩны «Солнечный» азааигәара, уаҟа иҟоу апальмақәа рыбжьеиҳарак абжы иҧхасҭанатәхьеит. 

Роман Дбар иҳәоит, арҭ ахәаҷақәа Гагра иҟоу Ольденбург ипарк аҟынӡа инеир - уаҟа иҟоу апальмақәа рус шыцәгьахо. Абжы ҟаҧшь ҧсабаратәла ахаҿсахьа ҷыда амоуп. Ҧшшәыла ахьӡ ишаҳәо еиҧш аҟаҧшьрахь ахы хоуп. Ахәаҷа абҕаҿы улаҧш иҵамшәо ашәыта еиқәаҵәақәак алаҧсоуп. Апальматә рахәыцқәа рыла ауп абжы аҭра шыҟанаҵо. Аекологиатә институт аиҳабы Роман Дбар дазааҭгылеит, апальмақәа хәшәтәышьас ирымоу аметодқәа ишреиуоу административтә метод. Аҧсны азы ари шәарҭара дууп. Ҳақалақь зырҧшӡо аҵиаа хкқәа рахь иахыҧхьаӡалоу апальмақәа аҧхасҭа ду роур алшоит. Урҭ хылаҧшрада иаанхар – акурортә ҭыҧқәа зырҧшӡо ҳәа рацәак акагь аанымхар алшоит.  

Наала Чхьынџьериаҧҳа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
33
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
44
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК