Март 28, 1967 шықәса рзы Гагра араион аҟны гәыҧҩык аҿарацәа акциа мҩаҧыргеит Аҧсны аганахь ала Қырҭтәыла анапхгара рмилаҭтә политика иаҿагыланы.

28.03.2017
513

Март 28,  1967 шықәса рзы Гагра араион аҟны гәыҧҩык аҿарацәа акциа мҩаҧыргеит  Аҧсны  аганахь ала   Қырҭтәыла  анапхгара   рмилаҭтә политика  иаҿагыланы.

49 шықәса раҧхьа имҩаҧгаз акциа иалаз дыруаӡәкуп аҵарауаҩ  Игор Марыхәба. Аҟәатәи аиндустриалтә техникум даналга, 1966 шықәса рзы аргылаҩык иаҳасаб ала Пицундаҟа дрышьҭуеит. Акурорттә қалақь аҟны аргыларақәа цон, еиҭашьақәдыргылон аҧсшьарҭа ҩнқәа, ақалақь ахаҿра арҧшӡара инапы ианын Зураб Ҵереҭели.  Уи ақырҭуа хаҿра  аҭан инаигӡон ирҿиара. Аргылаҩцәа рзымхара ҵаҵҕәыс иҟаҵаны арахь иааргон агырцәеи ақырҭцәеи.  Иара излаигәалаиршәо  ала,  атәым дгьыл аҟны дыҟазшәа аҭагылазаашьа  дақәшәеит. Иааикәыршан иаҳауан атәым  бызшәа.  Аҭоурых ишаҳәо еиҧш,1960  шықәса раахыс ,аҧсуаа рхатәы дгьыл аҟны рзинқәа ҧкын, ишырҭахыз рхатәы бызшәала ицәажәартә аҭагылазаашьа рымамызт.

Ҧсоунтә аҳәаа  уанахыслак,  Лесилидзе ҳәа иалагон. Ҳтәыла егьырҭ  ақалақьқәагь  рыхьыӡқәа ҧсахын. Гагра ,Пицунда идыргылоз ахыбрақәа ақырҭқәеи агырцәеи ааганы  рнырхара   ргәы иҭан.Аргыларақәа ахьцоз  аҧсуаа даараӡа  ҳмаҷын ҳәа игәалаиршәоит аҵарауаҩ.

Аҵарауаҩ  Игор Марыхәба дигәалаиршәоит акурортә ргылара напхгара азҭоз Ҭамара  Гыцҧҳа. Лара агәымшәара злаз аӡә лакәын,  ҳәа азгәеиҭоит.
Усҟантәи  аамҭаз  аҧсуаа  иҟаз аҭагылазаашьа аҿагылара ргәы иҭаркит,  иагьырыӡбеит  ақырҭуа ҩырақәа  ахькыду ашәыга рыхьшьра.

  
Амилаҭ хақәиҭратә қәҧара иалахәыз ауаа Урыстәылаҟа ашәҟәқәа рыҩуан иҟаз аҭагылазаашьа   атәы зҳәоз, аха урҭ ҭакда иаанхон. Аизарақәа реиҿкаара ҟаломызт,амилаҭ зҵаара ӡбоуп ҳәа иҧхьаӡан.

Март ҩажәи ааба,зқьи жәшәи ханҩажәи быжьба шықәса рзы, Гагра араион аҟны гәыҧҩык аҿарацәа акциа амҩаҧгара нап адыркит.

Иҟалаз ахҭыс иахылҿиааз рацәоуп,акциа иалахәыз ҩыџьа-хҩы ҭаркит.  Уи  заҳаз аҧсуаа зегьы еизоит аҳәынҭқарратә филармониа аҿаҧхьа.Мчыбжьык иназынаҧшуа урҭ рҭыҧ  аанырмыжьит.

Зыӡбахә ҳамоу ахҭысқәа иреиҧшу маҷымкәа ҳҭоурых адаҟьақәа ирнуп.Урҭ иаадырҧшуеит ҳмилаҭ  ианакәзаалакгьы  ахақәиҭра  ишазықәҧоз.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
88
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК