Аҧсны ихацыркхеит ашколхәыҷқәа рыбжьара ареспубликатә олимпиада.

28.03.2017
688

Аҵареи аҭҵаарадыреи рминистрреи  Аҧснытәи аҳәынҭқарратә университети   ашколхәыҷқәа рыбжьара еицымҩаҧырго ареспубликатә маҭәартә олимпиада аҿы рхы аладырхəуеит Аҧсны ашколқәа рҟынтәи аҵаҩцәа.  
Урҭ рхыҧхьаӡара быжьшәи ҩынҩажәи  жәибжь-ҩык рҿынӡа инаӡоит.  Хаҭала аҧсуа бызшәеи  алитературеи, Аҧсны аҭоурыхи, азеиҧш ҭоурыхи  рзы зхы ҧызшәо аҵаҩцәа рацәаҩуп.  Иахьа урҭ ирыман алшарақәа  рдыррақәа раарҧшразы.

Ҳазҭоу ашықәсазы ари  аҵыхәтәантәи атур акәхоит. Уаанӡа дара  егьырҭ имариамыз аетапқәа ирхысхьан. Аҧсны аҵареи аҭҵаарадырақәеи рминистр Адгәыр Какоба  ареспубликатә олимпиада аартуа, дазааҭгылеит здыррақәа аазырҧшырц зҭахәу рхыҧхьаӡара шырацәоу, аха убри аан. аиааира зго, ибзиан иазыҟаҵо, гәыкала иазнеиз шиакәхо.

Аҵыхәтәантәи ҩышықәса рыҩныҵҟа ареспубликатә олимпиадаҿы аиааира зго аҵаҩцәа ирымоуп алшара еиуеиҧшым азанааҭқәа, еиҳараӡак арҵаҩы изаанаҭ  ала,  абиуџьетә ҭыҧқәа рҟны Аҧснытәи аҳәынҭқарратә университет ахь аҧышәарақәа мҭиӡакәа рҭалара,  - иҳәеит Адгәыр Какоба.

Аҧсны аҭоурыхи, азеиҧш ҭоурыхи  рзы олимпиада иахысуа аҵаҩцәа ханҩажәи   быжьҩык ыҟоуп. Урҭ зегь аиҳабыратә классқәа ирҭо ракәхеит. Радмила Циҧҳа гагратәи аҧшьбатәи абжьаратә школ аҿы ажәабатәи акласс аҿы аҵара лҵоит.  Радмила  иарбан усзаалакгьы ҭакҧхықәрала дазнеиуеит. Иахьатәи аҭоурых иазку олимпиада сазыхиоуп, сылшарақәа зегьы аасырҧшып ҳәа сгәыҕуеит, -   ҳәа ҳалҳәеит.

Аҧсуа бызшәеи  алитературеи рзы олимпиада зхы алазырхәуа дреиуоуп  Тҟәарчалынтә иааз Аманда Шьакаиа. Лара изныкымкәа лхы алалырхәхьеит еиуеиҧшым Аҧсны имҩаҧысуаз олимпидақәеи, аицлабрақәеи. Иара  убасгьы  аҧхьахә ҭыҧқәагьы дрыҧсахахьеит. Уажәазы, лара лгәы хыҭ-хыҭуеит.  Зҭак ҟаҵатәхо атестқәа рлылҵшәақәа зеиҧшрахоу атәы дазыҧшызаауеит.

Аҧсны ашколхәыҷқәа рмаҭәартә олимпиада хықәкыс иамоуп ҳзықәгәыҕуа аҿар, еиуеиҧшым амаҭәарқәа рыла рдыррақәа  раарҧшра. Аҵаҩцәа ирыҭаз адҵақәа еиқәдыршәеит Аҧснытәи аҳәынҭқарратә университет аусзуҩцәа. Урҭ гәаҭарак   аҳасабала ишьақәгылан. Ашкол аҿы изхысхьоу, ирҵахьоу апрограмма ала еиқәыршәоуп,  иуадаҩу ҳәа акагь ыҟам,- иҳәоит, акомиссиа алахәыла.  
Аолимпиада иалахәыз аҵаҩцәа иаадырҧшыз   адыррақәа еилкаахоит, ҳазҭоу амза иалагӡаны.

Наала Чхьынџьериаҧҳа, Кәасҭа Ҧарлиа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
49
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
79
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК