Ҳаҳҭны-қалақь ахаҿра зныҧшуа аскульптура аҟаҵаразы аицлабра рыланаҳəоит аилахəыра "А-мобаил".

28.03.2017
806

Ҳаҳҭны-қалақь аҧшӡара аихаҳара ихымҧадатәиу  усуп  Аҟәа  бзиа  избо зегьы  рзы.  Аимадара  «Амобаил»  аиҿкааратә еилазаареи, Аҟәа ақалақь анапхгареи еиқәшаҳаҭны аҟазацәа рахь алаҳәара ҟарҵеит ҳаҳҭнықалақь ахаҿра зныҧшуа аскульптура  ҿыц  аҟаҵаразы  аицлабра  шаҧшьырго   азы.    
Ҩнызқьи жәаф шықәса рзы Амҳаџьырцәа рыҧшаҳәаҿы ишьақәыргылаз аскульптура «we Sukhum» ақалақь ауааҧсыра зегь бзиа еицырбаз ҭыҧны иҟалеит. “We Sukhum” ацәырҵра ҩнызқьи жәаф шықәса рзы акрызҵазкуа хҭысын.  Усҟан апроект  аиҿкааҩцәа ажәалагала   ҟарҵеит ас еиҧш иҟоу аскульптура аҧсышәала ашьақәыргыларазы ишхацдыркуа апроект ҿыц. Ишаҳбаз еиҧш ражәа нарыгӡеит.

Аконкурс  мҩасуеит х-етапкны. Актәи аетап аҿы аконкурс  аҽалархәразы агәаҳәара зауыз зегьы акомиссиахь рырзаҳалқәа аларҵароуп. Убри аан, аконкурсантцәа хшыҩзышьҭра азыруроуп аскульптура ашьақәыргыларазы Аҟәа анапхгара иазҧхьагәарҭаз аҭыҧқәа хҧа:  Леон имҩаду,   аихамҩатә ааҭгыларҭа  ГУМА аҿаҧхьа иҟоу аҵакырадгьыли, Аҟәа анапхгара аҿаҧхьа амҩақәа Аиааиреи Леони реихҵәарҭаҿы иҟоу апарки, аресторан «Дем» аҿаҧхьа аҧшаҳәаҿы иҟоу адгьылҭыҧи.

    Аҩбатәи аетап иазәанаҭоит   аинтернет  аҿы  иаарту  абжьыҭара амҩаҧгара. Абжьыҭара мҩаҧысуеит маи 18 инаркны 26-нӡа. Еиҳа абжьқәа зауыз, еиҕьхаз аусумҭақәа нашьҭхоит афинал ахь.

Ахҧатәи аетап –афинал ахь инашьҭхаз аусумҭақәа хҧа рахьынтә  аиааира занашьатәу аӡбоит Аҧсны аҳәынҭқарра аминистрра реилазаараҿы еиҿкаау амонументалтә комиссиа. Акомиссиа ишазгәанаҭаз ала, аскульптура «Аҟәа» мыцхәы еиҵыхымзароуп, насгьы иахьышьақәыргылахо аҭыҧ ианаало иҟалароуп.

Аконкурс аҽалархәра азин рымоуп 18 шықәса иреиҵам Аҧсны атәылауаа зегьы. Арзаҳал иарбатәуп  аконкурсант ихаҭара шьақәзыргыло  адырранҵа. Аконкурс зҽалазырхәуа хаҭала, уи наплакызар,  арзаҳал аҟны уи ахьӡи, аҭыӡҭыҧи, аимадаратә ҭелқәеи харҭәааны иарбатәуп.

Аконкурс зҽалазырхәуа маи 15-нӡа акомиссиахь аелектронтә формала арзаҳал нарышьҭроуп, аконкурс ахь инарышьҭуа аскульптура аескиз ацҵаны. Азҿлымҳара зҭатәу - аскульптура ианыло анбанқәа аҧсышәала иарбазароуп. Аескизқәа рынагӡараан ацхыраагӡақәа рыдагьы, иауеит напыла иҟаҵазаргьы.

Ҳамидан Гәымҧҳа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php