«Гладиаторы ринга».

28.03.2017
520

«Гладиаторы ринга»,-    абас  хьӡыс ирыман март 25 рзы Анапа  ақалақь аҿы имҩаҧысуаз  апрофессионалтә бокс азы ареитингтә қәгыларақәа. Аҧсны ахьӡала  уи далахәын    аспортсмен  Баҭал Ҷежьиа.   Иара  икапантә категориа иаҵанакуаз рыбжьара аиааира игеит.

Аспортсмен иааирҧшыз ақәҿиарақәа ртәы  иалацәажәеит аинформациатә маҵзура «Спутник» апресс-центр  аҿы имҩаҧысыз  апресс-конференциа аҟны.


Аиндаҭлара иалахәын иара убас Урыстәылеи Европеи,  иара убас СНГ иаҵанакуа аҳәынҭқаррақәа рҟынтәи аспортсменцәа.

Ҩажәа шықәса зхыҵуа Баҭал Чежьиа изы ари апрофессионалтә бокс аҿы раҧхьатәи қәгыларахеит. Зыкапантә категориа 80 кьыла  ыҟоу спортсменцәа ркатегориаҿы, Баҭал Чежьиеи аҧышәа змоу  ҩажәи  зеижә шықәса   ирҭагылоу  урыстәылатәи абоксиор Фуад Мурадови еиндаҭлон.  

Баҭал иажәақәа рыла, аиааира агара  ус имариамызт.
  
«Гладиаторы ринга»  захьӡу   аиндаҭлара есышықәса еиҿнакаауеит абокс азы Урыстәылазегьтәи Афедерациа. Абар ҩынтәуп аҧсуа спортсменцәа Аҧсны ахьӡала уи рхы аладырхәуеижьҭеи. Раҧхьаӡа акәны Аҧсны ахьӡала ари атурнир   аҿы  дықәгылеит, аиааирагьы игеит абокс азы аспорт азҟаза Саид Смыр.

Аспортсмен иазыҟаҵаҩ Аҧсны абокс  азы афедерациа ахада   Альберт Карди-оҕлы иажәақәа рыла, аҵыхәтәантәи ашықәсқәа зегьы Баҭал апрофессионалтә бокс ахь анеира иҽазыҟаиҵон, аџьабаа ибон. Иҳаҩсыз ашықәс анҵәамҭаз ауп аспортсмен уажәшьҭа уахь анеира  дазхиахеит ҳәа аныԥхьаӡахаз. Иара  изы ари раҧхьатәи профессионалтә еиндаҭлара шакәызгьы, уаанӡагьы уиаҟара зыҩаӡара ыҟамыз Урыстәыла еиҿкааз аиҧыларақәа рҿы аиааира игахьан, изныкымкәагьы Аҧсны дачемпионахахьан.
  
Азыҟаҵаҩ иара убас иазгәеиҭеит, раҧхьаҟа аус дуқәа шышьҭоу. Маи 20 рзы Ростов ақалақь  аҿы   имҩыҧысраны иҟоу   Абокс азы адунеи ачемпионра атитул агаразы аиндаҭлара Баҭал Чежьиа иҽазыҟаиҵоит. Уаҟа Аҧсны ахьӡ ҭызго ҳаспортсмен ақәҿиара дуқәа ааирҧшып   ҳәа  агәаанагара имоуп.

Саид Џьарсалиа, Ҭемыр Гогохьиа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
68
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
96
Загрузка плеера
Алаҳәарақәеи адныҳәаларақәеи
АГТРК