Аҧсны Жәлар Реизара апарламент ахәбатәи ааҧхьара адепутатцәа имҩаҧыргеит аҵыхәтәантәи аилатәара.

29.03.2017
490

Аҧсны Жәлар  Реизара  апарламент ахәбатәи  ааҧхьара  адепутатцәа  имҩаҧыргеит аҵыхәтәантәи аилатәара.  Уаҟа  ирыхәаҧшын  жәеиза зҵаара.   Урҭ рхыҧхьаӡараҿ    ҩнызқьи  жәаф шықәсазтәи  ареспубликатә  биуџьет  анагӡашьазы    аихшьаалеи,   атопонимиказы  азакуани   уҳәа  егьырҭгьы.  

Ҩынтәуп  апарламент адепутатцәа    Аҧсны алхратә комиссиа   хада  алахәыла  иаҳасабала    аоппозициатә  мчрақәа   рблок,   адепутатцәа  ахәаҧшразы ирыдыргалаз   Исидор  Дочиа   икандидатура   иаҿагыланы     рыбжьы арҭоижьҭеи.

Аҧыза- министр ихаҭыҧуаҩ,   афинансқәа рминистр Дмитри Сериков  адепутатцәа ахәаҧшразы ирыдигалеит    ҩнызқьи жәаф шықәсазтәи ареспубликатә биуџьет    анагӡашьазы    аихшьаала. Уи иазгәеиҭеит,    ауалафахәы   ашәара    ишазоужьу ареспубликатә биуџьет  аҟынтәи   ҩажәи хәба  процент  иреиҳаны.   Ҩнызқьи  жәаф  шықәса рзы,   ареспубликатә    усҳәарҭақәа  рҿаҧхьа  ҩнызқьи жәохә шықәсазы  ауалафахәы  азы ирықәыз    ауал    зегьы  шәоуп.
Ҩнызқьи жәаф  шықәсазтәи  ареспубликатә  биуџьет  анагӡаразы   аихшьаала    адепутатцәа  зегьы  еиқәышаҳаҭны   ишьақәдырҕәҕәеит.  Ҩнызқьи жәаф  шықәсазтәи ареспубликатә биуџьет  ахарџь иартәеит  быжь- миллиардк  мааҭ инеиҳаны.

   Ҩнызқьи жәаф шықәса рзы  амилаҭтә  банк иаиуит хынҩажәи ҧшьба  миллион  мааҭ инеиҳаны    ахашәала.  Аҧсны  амилаҭтә банк  ахантәаҩы  Беслан Бараҭелиа   иҟаиҵаз  аихшьаалаҿы  ҷыдала  азҿлымҳара  аҭан абанктә    картақәа    «АҦРА»  асистема иалоу  ахаҳареи, «ГАГРА -БАНК»   алахьынҵеи. Ахцәажәарақәа рышьҭахь апарламент адепутатцәа  еиқәышаҳаҭны ирыдыркылеит   амилаҭтә банк   иҳаҩсыз  ашықәс  азтәи аихшьаала.

  Иара  убасгьы  адепутатцәа   рыбжьы арҭеит  ҩнызқьи жәаф  шықәсазтәи абиуџьет анагӡаразы  азакуан апроект    адкылара; Атәанчаратә фонд,   ихымҧадатәу  амедицинатә ҧгаҧсазы  афонд,   аџьа  ахьчареи  асоциалтә ҧгаҧсеи рзы    афонд, Аҧсны жәлар рџьынџьтәылатә еибашьра  аинвалидцәа  аҳәынҭқарратә  ибиуџьеттәым  афонд.   Ҩнызқьи жәаф шықәсазы амҩатә фонд абиуџьет анагӡашьазы    азакуан  апроект» рыдрымкылаӡеит.

« Арепатриациазы    афонд    абиуџьет  анагӡаразы  азакуан апроект    ажәахәҟаҵаҩ  дахьыҟамыз  аҟынтә   ицәыргамызт.

  Жәлар реизара  асессиаҿы  убасгьы иахәаҧшын  Гал араион    аҭыҧантәи   ахаланапхгараҭаратә   усбарҭақәа рдепутатцәа    рнапынҵақәа  рыҿҳәара  ацҵаразы    азакуан  апроект.   Ари араион аҿы    апаспортқәа рыҭара   азҵаара    макьана  иахьыӡбам  аҟынтә    жәлар реизара  адепутатцәа    еицҿакны ирыдыркылеит   Гал араион аҭыҧантәи  ахаланапхгараҭаратә  усбарҭақәа  рдепутатцәа   рнапынҵақәа  рыҿҳәара  ацҵаразы  азакуан  апроект.  Аҩбатәи,  аҵыхәтәантәи  аҧхьараҿы   ирыдыркылеит   Аҧсны   агеографиатә    ҭыҧқәа   рыхьыӡқәа рзы    азакуан апроект.

С.  Џьарсалиа, Рената  Шьакаиа, Роберт Ломиа,  АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25 Апрель 2018
74
18 Апрель 2018
81
17 Апрель 2018
99
16 Апрель 2018
129
13 Апрель 2018
106
12 Апрель 2018
168
11 Апрель 2018
168
Загрузка плеера
Алаҳәарақәеи адныҳәаларақәеи
АГТРК