Кәдырҭаҟа ухазгало амҩаду абахә бганы иаҿаҳаит.

29.03.2017
546

Гәылрыҧшь араион Аҧсны аҳәаа иаҧну ақыҭақәа рахь ухазгалоу амҩаду хада аҭагылазаашьа даара ибааҧсын. Уи азымхозшәа уажәы абахә бганы ианлеи, автотранспортгьы аныҟәара аанкылахеит. Астратегиатәи арратә ҵакы змоу Кәдырҭаҟа ухазгало амҩаду ахы инаркны аҵыхәанӡа аиҭашьақәргыларатә усурақәа мҩаҧырымгеижьҭеи ҩынҩажәа шықәса иреиҳауп. Уажәы уи аус алагара аҳәынҭқарразы ахарџь маҷымкәа иацуп. Убри азы ауп иналаршә- ааларшәны ажрақәа хаҳәла издырҭәуа. Аха Қəабчареи Чҳалҭеи рыбжьара абахә бганы амҩаду анакы, Ажара ақыҭа ахада Сергеи Џьонуа Аҧсны аиҳабыра дрыҳәеит ацхырааразы. Аҧсны Аҧыза министр Беслан Барцыц идҵала, Қəабчараҟа ихалеит Аҳәынҭқарратә еилакы «Аҧснымҩа» ахаҭарнакцәа. Дара напынҵас ирыман аҿыбгара ахьыҟалаз иахәаҧшны , амҩаду арыцқьара иақәхарџьтәу ахә ашьақәргылара. « Аҧснымҩа» ахаҭарнакцәа иахәҭоу ашәҟәқәа рҩаанӡа ,абахә иаҿажьу ахаҳәқәа аҿырбгатәуп, иҧжәаны. Ари аус аҿы ацхыраара ҟарҵараны иҟоуп Урыстәылатәи аҳәаахьчаҩцәа русбарҭа ахаҭарнакцәа. Кәдырҭаҟа ухазгалоу амҩаҿы иҟоу атоннельқәа руакгьы аҭагылазаашьа уашәшәырахо иалагеит. Аҩныҵҟатәи аҭыӡқәа шьеит, ахаҳәқәа аҿыбганы икаҳауеит. Уажәы напы злаку аусқәа аныҟаҵамха, Кәдырҭатәи ақыҭақәеи, Гьенҵәыш игылоу Урыстәылатәи аҳәаахьчаҩцәа рҭыҧи рахь автотранспорт ала ахалара акыр иуадаҩхоит. Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
10
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК