Аҧснытәи аҳәынҭқарратә милаҭтә библиотека иахыҵит 95 шықәса.

29.03.2017
516

Аҧснытәи аҳәынҭқарратә милаҭтә библиотека иахыҵит 95 шықәса. Уи,  ишаадыруа еиҧш, Урыстәыла Аҧсны иазыҟанаҵо афинанстә цхыраара иабзоураны еиҭашьақәыргылан. Ишҧеиҿкаау абиблиотека иахьатәи аусура?

Аҧсны абиблиотека хада, шәышықәса инарзынаҧшуа аҧсуа жәлар ркультуреи рҵарадырреи рзы инымҵәо хыҵхырҭаны излаҟоу ала  ианысит имариамыз, аха илашаз арҿиаратә мҩа. Раҧхьатәи ауаажәларратә библиотека Аҟәа иаатуеит зқьи жәшәи хәба шықәсазы. Иара ашьақәгылара даара иуадаҩын, уи дырҵабыргуеит еиқәхаз архивтә документқәа. Аҧсны аџьынџьтәылтә еибашьраангьы аҧсуа шәҟәы ахәышҭаара ааха ҕәҕәа аиуит. Ахыбра еилаҳаны,  ашәқәа, аҧенџьырқәа рыда акгьы ыҟамкәа, ахыб аӡы кылсуа,  ашәҟәқәа бааӡаны - абас ауп ишырбаз  рбиблиотека уи аусзуҩцәа аибашьра ашьҭахь.
  
Иахьатәи аамҭаз амилаҭтә библиотека аҟны аус руеит  ҩажәи жәиҧшьҩык ауаа. Уи даара  имаҷуп ас еиҧш иҟоу зымҽхак ҭбаау аусҳәарҭа азыҳәан. Араҟа иаартуп жәеиза ҟәша: абонемент аҟәша ,аҳәаанырцәтәи, аҧхьаратә зал, адҵаалара-библиографиатә, атәылаҿацәҭҵааратә  уҳәа убас аегьырҭ  аҟәшақәагьы.

Иазгәаҭатәуп, ҟәшацыҧхьаӡа ишамоу иара ахатәы аҧхьарҭатә залқәа. Урҭ иаарласны еиқәыршәахоит ҳаамҭа иашьашәалоу аелектронтә техникала. Араҟа  иқәыргылахоит акомпиутерқәа. Дарбанзаалак иоуеит алшара аинтернет ахархәарала абиблиотека ахаҭа аҟны иҟам ашәҟәы ҧшааны, икьыҧхьырц мамзар ишиҭаху  ихы иаирхәарц. Ари, жәаҳәарада, даара иманшәалахоит. Еиҳарак астудентцәа рзыҳәан.  

Амилаҭтә библиотека ахаҭа  акәзар , уигьы иамоуп иара ахатәы електронтә база. Уаҟа хәышә-нызқь инарзынаҧшуа  ҧсышәалеи урысшәалеи ашәҟәқәа ҭагалоуп. Амилаҭтә библиотека инанагӡо аусқәа рнаҩсгьы, Аҧсны еиҿыркаауа аусмҩаҧгатәқәа активла рхы рыладырхəуеит. Имҩаҧыргоит  анаука – практикатә конференциақәа, иазгәарҭоит аҧсуа шәҟәыҩҩцәа риубилеиқәа.

Урыстәыла Аҧсны иазыҟанаҵо афинанстә цхыраара иабзоураны акапиталтә ремонт зызуз амилаҭтә библиотека иаарласны аофициалтә аартра мҩаҧгахоит, уи анаҩсангьы,  аҽазыҟаҵарақәа цоит абиблиотека аиубилеи азгәаҭара иадҳәалоу аҵарадырра-практикатә конференциа аиҿкаара азы.

Н.Ақаҩба, С.Агәхаа, АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК