«Поедем поедим» захьӡу НТВ аканал аҭыхратә гәыҧ Аҧсны иҟоуп.

29.03.2017
430

Аҧсны акурорти атуризми рзы аминистрра имҩаҧнаго аусура рацәоуп Аҧсны ҧсшьара иаҭаауа ауааҧсыра араҟа аамҭа бзиа  рхыргарц азыҳәан адагьы, Аҧсны ахьыӡ бзиа ауаа рыларҵәара аус аҿгьы.  Аминистрра  лассы – лассы иаанаҧхьоит Урыстәылантәи  еиуеиҧшым аҭыхратә гәыҧқәа.  Урҭ иреиуоуп «Поедем поедим» захьӡу НТВ аканал аҭыхратә гәыҧ.  

НТВ аканал  аҿы ицо ,  зегьы еицырдыруа адырраҭара «Поедем  Поедим» Аҧсны дырҩагьых иаҭааит!  Уи амҩаҧгаҩ  Џьон Уоррени   иҭыхратә гәыҧи  Аҧсынра убри аҟара иргәаҧхеит, хышықәса ирылагӡаны  абар уажәшьҭа  хынтәуп иаҭаауеижьҭеи.   Уи уамашәа иубартә иҟам, иара дхырхит Аҧсны аҭыҧ ҧшӡарақәа. Ара иҟазаара иалагӡаны дызҭааз аҭыҧқәа даара ирацәоуп. Уи адагьы Џьон Уоррен Аҧсны аҵасқәеи ақьабзқәеи ҭиҵааит.

“Поедем, поедим!» - ари даара аинтерес зҵоу дырраҭароуп. Аус адызуло арҿиаратә гәыҧ адунеи ахы аҵыхәа атәылақәа жәпакы ирҭаахьеит. Адырраҭара зызку еиҳарак ақыҭауаа роуп, урҭ рынхашьа рынҵышьа, ашәарыцаҩцәа, аҧсыӡкҩцәа уҳәа иҟарҵо афатә акәама-ҵамақәа рыҭҵаареи,  ргьама абареи роуп хықəкыс  ирымоу адырраҭара аиҿкааҩцәа. Урҭ зегьы НТВ аканал ахәаҧшцәа ирзеиҭарҳәоит акҿаҩра иадҳәалоу амаӡақәа.  Џьон Уоррен Аҧсуа чыс  агьама абара адагьы , иҽазишәеит ихала афатә аҟаҵара. Хылҵшьҭрала Великобританиа иатәу Џьон,  Аҧсны иҵеит  аџьыка шыҟарҵо. «Поедем поедим» аҭыхратә гәыҧ  Аҧсны рыҟазаара иалагӡаны ахы аҵыхәа зегь иакәшахьеит. Еиҳараӡак игәы иақәшәеит аҧсуа џьыкеи асыӡбали.

Аҭыхратә гәыҧ ахынтә раан Аҧсны ианаа, иаҭааит,  Аҧсуа қыҭа Дәрыҧшь инхо Кәакәасқьыраа рыҩнаҭа. Араҟа  аҭыхратә гәыҧ ирбеит  аҧсуа еишәа архиашьа,  уи аан ахымҩаҧгашьа. Ашәаҳәарагьы уи, хымҧада, иахәҭакуп.  

Џьон Уоррен ҳаниҿцәажәоз дазааҭгылеит Аҧсынра бзиа изибаз атәы, хышықәса ирылагӡаны иара хынтәуп даҭаауеижьҭеи.

Иҳәатәуп НТВ аканал аҭыхратә гәыҧ Аҧсныҟа ишааз акурорти атуризми рминистрра ааҧхьарала. Аминистр ихаҭыҧуаҩ Асҭамыр Ахба излазгәеиҭаз ала, ас еиҧш еицырдыруа адырраҭара аҭыхрақәа Аҧсны иахьымҩаҧысуа даара акыр аҵанакуеит ҳара ҳзы.Еиҳарак, акурорттә аамҭа аламҭалаз.  

Аҧсны иазку адырраҭара «Поедем поедим» НТВ аканал ала аефирахь ицәырҵуеит апрель мза ҩажәи жәаба рзы.

Н.Қаҩҧҳа, Б.Чхьынџьериа, АТ  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК