Имҩаҧысит Аҧсны Аминистрцәа Реилзаара изаамҭанытәиу реилатәара.

30.03.2017
561

Аминистрцәа   реилазаара аилатәара амшхәаҧштә  аҟны иарбан ҩеижәи хҧа зҵаара.    Урҭ реиҳарак акадртә зҵаатәқәа ракәын.  Атәыла аиҳабыра ишьақәдырҕәҕәеит  анхаразы  азиншәҟәы  абланки,  уи рыҭара иацу аусмҩаҧгатәи.  Иара убас ирыхәаҧшын аекономикеи агәабзиарахьчареи  ирыдҳәалоу апроектқәагьы.

Аминистрцәа Реилазаара  аилатәараҿы   иазааҭгылеит  ҳџьынџьуаа рыҧсадгьыл ахь рырхынҳәразы аҳәынҭқарратә еилакы аиҳабы ихаҭыҧуаас Гәыгәыца  Џьыкыр-ҧҳаи Ерқан Қәҭарбеи рыҟаҵара  азҵаара. Урҭ ркандидатурақәа рзы аминистрцәа зегьы еицҿакны рыбжьы рҭиит. Иара убас,  аҭагылазаашьа   ҷыдақәа  рзы  аминистр ихаҭыҧуаҩс Нугзар Емхаа еицҿакны дҟарҵеит.  

Ақыҭанхамҩа  аминистр ихаҭыҧуаҩ Ашоҭ Минасиан  имаҵура  аҟынтәи ихы  дақәиҭыртәит,  Жәлар реизара   адепутатс     дахьыҟалаз инамаданы.

Атәыла аиҳабыра ақәшаҳаҭхеит Зҭакҧхықәра ҳәаақәҵоу  аилазаара «Здоровье нации» Ҭҟәарчал араион ақыҭа Соуикәара иахьаҵанакуа арадонтә ӡқәа ҧсшьарҭатә обиеқтк аҳасабала рхархәаразы  азин  аҭара. Избанзар, уи иалнаршоит аусуратә ҭыҧқәа раҧҵареи, ари араион азы ихадараны иҟоу  ашәахтәқәа ралагалареи.
Аминистрцәа реилазаара аилатәараҿы ишьақәырҕәҕәан  анхаразы   азин  шәҟәы.  Аҧыза- министр ихаҭыҧуаҩ аҩныҵҟатәи аусқәа рминистр Аслан Кобахьиа  иҳәеит, уи анормақәа зегьы ирықәшәо ишыҟаҵоу. Иара убасгьы иазгәеиҭеит, дара акыраамҭа шҵуа ари атәылауаҩшәҟәы ҿыц  анхаразы  азин шәҟәы  рыҭара ишазхиоу.

Аминистрцәа реилазаара азинтә ҟәша аиҳабы Лаша Цаава иҳәеит, дара ирылшо зегь шыҟарҵо ари ҳазҿу адокумент – анхаразы  азин  шәҟәы  рхы иархәаны Аҧсны аҳәаа иахысыртә   еиҧш аҭагылазаашьа аҧҵаразы.  




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК