Аҧшьбатәи акласс аҵаҩцәа рыбжьара аматематиказы аолимпиада мҩаҧысит Дырмит Гәлиа ихьӡ зху Аҟәатәи аҧшьбатәи ашкол аҟны

30.03.2017
608

Есышықәса еиҧш сынтәагьы, «ашколхәыҷқәа рзы ареспубликатә амаҭәартә олимпиада  аҧҟара» инақәыршәаны, Аҧсны Аҳәынҭқарра Аҵареи  Аҭҵаарадырреи рминистрреи,  Аҧснытәи аҳәынҭқарратә университети  еицымҩаҧыргоит аицлабра.   Убас иахьа  аҧшьбатәи акласс  аҵаҩцәа рыбжьара  аматематиказы   аолимпиада  мҩаҧысит Дырмит Гәлиа ихьӡ зху  Аҟәатәи аҧшьбатәи ашкол аҟны.

Еиҵагыло аҿар рҵарадырра аихаҳара даараӡа акрызҵазкуа усуп амилаҭтә хаҿы аҧҵаразы. Убри ауп хықәкы хадас иамоу агәырҵҟәыл бзиа змоу, зыхшыҩ ҵару аҵаҩцәа ралҧшаареи урҭ наҟ-наҟ рымҩақәҵареи рзы ицхыраагӡоу  ареспубликатә олимпиада. Аҧсны аҵареи аҭҵаарадырреи рминистрраҿы  аҵара ахаҭабзиареи аконтроли рзура аҟәша аиҳабы Лакоба Ирина лажәақәа рыла,   сынтәа олимпиада иалахәу аҵаҩцәа  рхыҧхьаӡара еиҳа еиҳауп ҵыҧх аасҭа.

Аолимпиада    иалахәу аҧшьбатәи акласс аҵаҩцәа   рдыррақәа ҧыршәоит аматематиказы, х- бызшәак  рыла,-  аҧсуа,    аурыс, аерман     абызшәақәа  рыла.  Сынтәа аҵаҩцәа рықәра иаҵанакуа адҵақәа еиқәдыршәеит   Аҧснытәи   ҳәынҭқарратә университет аусзуҩцәа

Ашколхәыҷқәа ареспубликатә  маҭәартә аолимпиада ахҧатәи атур ахь инеиаанӡа доусы рышколқәа рҟны актәи аетап иахысит, анаҩс ақалақьқәеи  араионқәеи рҿы - аҩбатәи аетап. Ашколхәыҷқәа рыдҵақәа  рынагӡашьа ахәшьара арҭоит акомиссиа алахәылацәа.

Ахәыҷқәа русушьала иумбарц залшом адырра бзиақәа шрымоу, насгьы рдыррақәа  раарҧшра шрылшауа. Иџьоушьаша, рызегьы гәыҕуеит   аиааира  ҳгап ҳәа.

Аҟәатәи  актәи абжьаратә школ аҵаҩы  Кристина Занҭариаҧҳа зныкымкәа аолимпиадақәа рҿы лхы ҧылшәахьеит. Лара илҳәеит, адҵақәа рынагӡара уадаҩра шылзацым  
Еснат Габуниа раҧхьаӡакәны олимпиада ихы алаирхәуеит, иара иҳаиҳәеит  маҷк дышшәо,  аха иазгәеиҭеит идырра аарҧшразы илшо зегь шыҟаиҵо.

Абгархәықәтәи абжьаратә школ аҵаҩы  Ҭамирлан Гәынба аолимпиада  изныкымкәа ихы алаихәхьеит  аҧхьахә ҭыҧқәа ааникылахьеит.

Бзыҧҭатәи  актәи   абжьаратә школ аҵаҩы  Роланд Абыџьба раҧхьаӡакәны аолимпиада ихы алаирхәуеит. Уажәазы иара инаигӡараны иҟоу адҵақәа  быжьба рахьынтәи  хәба хаирҭәааит.  

Аиҵбыратәи аклассқәа рҵаҩцәа аолимпиада ралархәра ааӡаратә ҵак ду амоуп, избанзар ахәыҷқәа аҵараҿы аҧызаразы агәаҳәара рнаҭоит, дыррала аицлабра иаднаҧхьалоит.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
101
17 Ианвар 2018
103
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
91
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
87
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
77
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
100
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
130
Загрузка плеера
Алаҳәарақәеи адныҳәаларақәеи
АГТРК