Аҧсны атуризм аминистрра атуристтә усура ахылаҧшразы аҟәша имҩаҧнагаз агәаҭарақәа рҿы аҧҟарақәа реилагара аҭыҧ рымамызт.

15.09.2020 59
Аҧсны атуризм аминистрра атуристтә усура ахылаҧшразы аҟәша имҩаҧнагаз агәаҭарақәа рҿы аҧҟарақәа реилагара аҭыҧ рымамызт. Аҟәатәи аботаникатә баҳчеи Афон Ҿыцтәи аҳаҧи рҿы атуристтә гәыҧқәа рыҩныҵҟа имҩаҧгаз агәаҭарақәа дрылахәын ҳкорреспондент.

Агәаҭарақәа ирылагеит Аҟәатәи аботаникатә баҳча аҟынтә. Ари аҭыҧ аҿы х-сааҭк инарзынаҧшуа аус ҳуан . Хаҭалатәи аныҟәарақәа маҷмызт, аха агәыҧтә ескурсиақәа ҩба роуп ари аамҭа иалагӡаны иаҳҧылаз .Сынтәа асезон шхьысҳау ала, ари иаабац сахьоуп рҳәеит атуризм ахылаҧшразы аҟәша аспециалистцәа..Аботаникатә баҳча иаҭааз агәыҧ Ҧицундантәи иааит.

Аныҟәарақәа рымҩаҧгаҩцәа ашәҟәы иҭаргалеит. Аҧсны атуризм аминистрра аусзуҩцәа излаҳарҳәаз ала,  аекскурсиа мҩаҧгаҩцәа ирыцзар ауп атуристтә путиовкақәеи абеиџьыкқәеи. Аха араҟа абеиџьык аӡәгьы имамызт. Аҧсны атуризм аминистрра абеиџьыкқәа зцым  аӡәгьы иусура аанкылара азин рымам,апандемиа иахҟьаны  рыдҵақәа рырҧсыҽра инамаданы.Сынтәа иара убас ирацәоуп аекскурсиа амҩаҧгаҩцәа рыбжьара  аттестациа иахымсызгьы. 

Ҳзыҿцәажәаз атуристцәа рыҧсшьара аамҭа активла ирхыргоит. Есыҽны еиуеиҧшым аныҟәарақәа рыҽрыладырхәуеит. Ҳазхәаҧшыша рацәоуп, аҧсшьара аҟынтәи ҳзықәгәыҕуаз аасҭа еиҳангьы иҳауит, рҳәоит дара.

Иахьатәи агәаҭарақәа раан, аҧҟарақәа еилазгаз уаҩ дҳақәымшәеит. Зегьы ирыцын иахәҭаз ашәҟәқәа. Анаҩсан, ҳамҩа хан Афон Ҿыцтәи аҳаҧахьы. Араҟа ауаа рацәан. Аха, бжеиҳан иуҧылоз хаҭалатәи аныҟәарақәа аазхәоз ракәын. Ашә уахьааҩнало  сабрадада аҩналара шыҟамло азы  аинформациа кыдуп. Ирацәоуп аҭыҧаны иаахәаны изҿазҵогьы. Аха, иазгәаҭатәуп, ианыҩнало зегьыҵәҟьа ишырҿам, аҳаҧы аусзуҩцәа асабрада аныҟәгара дҵаны ирзықәыргылаӡом,избан акәзар, уи ҧшьгарак аҳасаб ала ауп ишыҟоу .

Аныҟәаратә гәыҧқәа рымҩаҧгаҩцәа иахәҭаз ашәҟәқәа рымоу- ирымаму гәарҭеит аспециалистцәа.  Аха измамыз уаҩ дҳақәымшәеит. Абеиџьикқәа рыцын .

Аҧсны атуризм аминистрра атуристтә усура хлаҧшра аҭаразы аҟәша аспециалистцәа мчыбжьык ахь знык имҩаҧыргоит ас еиҧш иҟоу агәаҭарақәа . Аҧсны атуризм азы аминистр ихаҭыҧуаҩ Асҭамыр Барцыц иажәақәа рыла, арҭ агәаҭарақәа ирыбзоураны, Аҧсны еиҳа изҭаауа атуристтә обиектқәа  деилнаркаауеит, уи адагьы, урҭ рымҩаҧгаҩцәа ҟазарала рус ишазнеиуа , аттестациа рымоу ирымаму азы адырра рынаҭоит. 

 

Дениза Гьергьиаҧҳа , Михаил Братухин,АТ.


 

 
  • ТЭГИ:
17.09.2020 28 Гагра ақалақь аҿы Аҧсны Ахада Аслан Бжьаниа араион актив алархәны ...
Аилатәара иалагаанӡа Аҧсны Ахада игәеиҭеит аиҭашьақәыргаларатә усурақәа рымҩаҧысшьа.
17.09.2020 28 Очамчыра араион ахадараҿы Аҧсны ахада Аслан Бжьаниа актив алархәны а...
Аиҧылараҿы ирылацәажәан Очамчыра араион аҿы ҳаамҭазы ӡбатәыс иқәгылоу азҵаарақәа.