Уахгьы – ҽынгьы ргәы рҽануп, еснагь иццакуеит арыцҳара иақәшәаз рахь. Аҧсны Аҭагылазаашьа ҷыдақәа рзы аминистрра аҧҵоижьҭеи жәибжь шықәса ҵит. Арыцху аҳаҭыраз аусбарҭаҿ иалкаахаз аҳаҭыртә бҕьыцқәеи амедалқәеи ранашьан. Ахҭыс иалахәын Аҧсны Ахада иусбарҭа аиҳабы Џьансыхә Нанба, Аҧыза-министр актәи ихаҭыҧуаҩ, ақыҭанхамҩа аминистр Беслан Џьопуа. Анапхгареи аколлективи дрыдныҳәалеит Аҧсны Ахада Аслан Бжьаниа.