Акрааҵуеит Аҧсны араионқәа рҿы амашьына-технологиатә станциақәа аҧҵеижьҭеи. Ари цхыраагӡа дууп ақыҭанхамҩазы, рус армариоит адгьыл иқәаарыхуа. Арҭ астанциақәа, аамҭа бжьысцыҧхьаӡа излауала аҳәынҭқарра аганахьала ацхыраара роуеит ирыгу – ирыбзоу аҟаҵаразы. Аҧыза-аминистр актәи ихаҭыҧуаҩ, ақыҭанхамҩа аминистр Беслан Џьопуа атәыла амашьына-технологиатә станциақәа рҭагылазаашьа агәаҭара нап аиркит.