Аҧсны Афырхаҵа Борис Қьаазым-иҧа Ладариа аибашьра актәи амшқәа инадыркны, аминақәа ыҵихуан . Гәымсҭатәи афронт аҿы раҧхьаӡа акәны иаанкылаз аҕа икәылӡтәы техника арҭҟәацра иара ибзоуроуп. Уи анаҩсгьы, аибашьра цонаҵы, идыррақәа ихы иархәаны, идыз адҵақәа зегь наигӡон. Борис Иашьцәа – Анатолии Гьаргьи, иара иеиҧшгьы, хамеигӡарала еибашьуан.Борис Ладариа дҭахеит ианвартәи ажәылараан. Аибашьҩы Аҧсны Афырхаҵа ҳәа ахьыӡ ианашьоуп. Аибашьрахь дышцоз, ихы шааирҧшуаз, дышҭахази иазкуп анҵамҭа .