Ирыхәаҧшын азҵаарақәа жәпакы. Иалкаау акатегориақәа ирыҵанакуа атәанчаҩцәа ртәанчахәы аизырҳара азгәаҭоуп. "Аҧсны Афырхаҵа", Леон иорден,"Агәымшәаразы" амедал занашьоу ртәанчахәы 2000нызқь мааҭ ацҵахоит. Арыжәтә џьбареи аҭаҭыни рыҭираан аҧҟарақәа еилазго ахараҧса рыдҵахоит. Уаҟа иарбоуп, зықәра наӡам аалыҵқәа рдыраахәара азин шыҟам. Иара убасгьы, Дамир Кәыҵниа Аҧсны апрокурор хада актәи ихаҭыҧуаҩыс дшьақәырӷәӷәоуп.