30 шықәса ҵит ҳреспублика адәныҟатәи аполитикатә интересқәа ахьчоижьҭеи Аҧсны адәныҟатәи аусқәа рминистрра. Традициала ишаҧу еиҧш, Аҧсны аиҳабыра рхаҭарнакцәеи аҳәаанырцәтәи асасцәеи Ахьӡ аҧша апарк аҿы иргәаладыршәеит Аҧсны аиааиреи ахьыҧшымреи зхы ақәызҵаз афырхацәа. Анаҩс, имҩаҧган аныҳәа иазку аизара. Уи ихы алаирхәит Аҧсны Ахада Аслан Бжьаниа. Еиҿкаан еиуеиҧшым ашықәсқәа рзы иҭыхыз афотосахьақәа рцәыргақәҵа.