Мышқәак раҧхьа иҟалаз Гагра араион аҿы иҟаз амшцәгьа аихамҩа аҧхасҭа маҷымкәа ианаҭеит. Убри иахҟьаны, арҭ амшқәа рыҩныҵҟа адәыҕбақәа мҩасыртә еиҧш аҭагылазаашьа ыҟам. Арыцҳара аныҟалаз аҽны араион даҭааны аҧхасҭа гәеиҭеит атәыла ахада Аслан Бжьаниа. Ареспубликатә унитартә наплакы «Аҧснытәи аихамҩақәа» адҵа риҭеит аамҭакьаҿк иалагӡаны адәыҕбақәа ныҟәартә аҭагылазаашьа аҧҵаразы.