Ҳаҳҭнықалақь ҧаса ахаҿра аазырҧшуаз Аҟәатәи ашьха аиҭашьақәыргыларатә усурақәа рышьҭахь, иаарласны аҽеиҭанакраны иҟоуп. Аусурақәа ахырқәшарахь инеиуеит аобиектқәа хҧа рҿы. Аҧшырҭатә ҭыҧи, аӡыршәи, аколлонада ахаҭеи. Аусурақәа мҩаҧысуеит Аҟәа ақалақь иҟанаҵаз ацхыраара иабзоураны. Амуниципалтә усбарҭа «Ақалақьргыларапроект» ауп аиҭашьақәыргыларатә усурақәа знапы рылаку. Аҟәатәи ашьха аҿынтә Наала Чхьынџьериаҧҳа ланҵамҭа.