Аҧсны аҩбатәи ахада Сергеи Уасил-иҧа Багаҧшь изку аусмҩаҧгатә мҩаҧысит Самсон Ҷанба ихьӡ зху аҧсуа ҳәынҭқарратә драматә театр аҟны. Афоие аҟны иаартын иҧсҭазаара атәы узырбоз афотоҭыхымҭақәа рцәыргақәҵа. Атеатр ашҟа имҩахыҵыз идырбан Сергеи Багаҧшь иҧсҭазаареи иусуреи рҭоурых атәы зҳәоз адокументалтә фильм. Аизара иалахәыз рҿаҧхьа дықәгылеит Аҧсны ахада Аслан Бжьаниа.