Ҧшьынҩажәатәи ашықәсқәа рзы аҧсуаа рмилаҭтә хақәиҭратә қәҧара знапы алакыз аиҳабацәа ирывагылан аҿаргьы. Урҭ рхыҧхьаӡараҿы дыҟан Баҭал Гәынба. Иахьа иҧсы ҭаны ари адунеи аҿы дҳалагылазҭгьы, хынҩажәа шықәса ихыҵуазаарын. Апатриот игәаларшәара иазкны Сергеи Дбар ихьӡ зху Гәдоуҭатәи амузеи аҟны имҩаҧган ахәылҧаз. Уи иалахәын иҭаацәа, иҭынхацәа, аинтеллигенциа рхаҭарнакцәа.