* Aҧшьаша, 13 Абҵара 2025
Акультура гәыҳалалратә фонд «Ашана» Адель Ҷкотуаҧҳа лзы аҧара аизгара хацнаркит
3 миллионки 675 нызқь мааҭ. Абриаҟара иаҧсоуп Адель Ҷкотуаҧҳа лгәабзиара аҭышәынтәалара. "Абла амикрофтальм" - абас ахьӡуп аҧшқа илзықәгылоу ачымазара адиагноз. Адель лызблак акыр ихәыҷуп егьи аасҭа. Ахәыҷы лыбла аиӷьтәра алшоит Израиль. Аха,уи азы шәареи ҳареи ҳацхыраара аҭахуп. Акультура гәыҳалалратә фонд "Ашана" Адель Ҷкотуаҧҳа лзы аҧара аизгара хацнаркит.
Арратә ҧышәа еиздырҳаит
Аҧсны Атәылахьчар ааминистрраҟны азыҟаҵареи, азанааҭтә ҧышәа аизырҳареи рзы акурсқәа ирхысыз гәыҧҩык аофицарцәа адипломқәа ранашьан. Азыҟаҵарақәа мҩаҧысуан Аҟәатәи Иреиҳау азеиҧштә архәҭатә командатә ҵараиурҭаҟны. Урҭ ирылахәын амчратә усбарҭақәа зегьы рхаҭарнакцәа.
Аҟәатәи ақалақьтә еизара ҩаҧхьа ахантәаҩыс далхуп адепутат Дмитри Осиа
Убасгьы, уи ихаҭыҧуаҩыс Инал Кьышьмариа. Имҩаҧысит Аҟәатәи ақалақьтә еизара аабатәи ааҧхьара раҧхьатәи аилатәара.