«Ажәа ашьаҭа» - абас ахьӡын хымз инарзынаҧшуа Аҧсны имҩаҧысуаз ахҧатәи жәларабжьаратәи ажәалатәи аицлабра. Уи аамҭа иалагӡан Аҧсны еиуеиҧшым араионқәа рҟынтә ҩышә-ҩык ашколхәыҷқәеи астудентцәеи аконкурс аҽалархәразы алшара рыман. Аӡбаҩцәа рахь инашьҭын хәышә усумҭа инарзынаҧшуа. Ас еиҧш аицлабра аиҿкаара алыршахеит Аҧсни Урыстәылеи акультуреи аҵарадырреи рганахь ала жәларбжьаратәи русеицура аҳәаақәа ирҭагӡаны. Ажәабжь иацырҵоит ҳкорреспондентцәа.