* Ԥхынкәын 2025

Афбатәи инаркны жәеизанӡа аклассқәа рҵаҩцәеи Аҧсныи Урыстәылеи рҟынтәи астудентцәеи ирзеиҿкаан аҟазаратә классқәа. Иҟан еиуеиҧшым аноминациақәа. Аиааира згаз иранашьан аҳаҭыртә бӷьыцқәа.

Баграт Шьынқәба ихьӡ зху Аҧсуа бызшәа арҿиаразы афонд имҩаҧнагеит аинтернетах архәарала иаҧҵоу ацифратә проектқәа рӡыргара. Афонд ацхыраарала иаҧҵоу арҭ апроектқәа шьақәзыргылаз авторцәа ирзааҭгылеит хаҭа-хаҭала досу ипроектзызку. Апроектқәа зегьы хықәкыс ирымоу - аҧсуа бызшәа арҿиареи , адунеи аларҵәареи роуп. Ари апроект ацхыраара аиҭеит Аҧсны АхадаБадра Гәынба.

Мызкы иалагӡаны дара аҽазыҟаҵарақәа ирхысит. Ҭоубашьҭазҵаз аҿар еиуеиҧшым архәҭақәа рахь еихыршоит. Ари атема еиҳа инарҭбааны Фатима Гьергьиаҧҳа ланҵамҭаҿы.

Аҧсны аҵара аминистрра азанааҭтә хырхарҭатә цәыргақәҵа аатит Аҟәа. Уи ихы алаирхәит Аҧсны аҧыза-министр Владимир Делба. Атәыла ахырхарҭарацәатә,агуманитартә, атехникатә коллеџьқәа рҵаҩцәа,анаплакқәа жәпакы русзуҩцәа иаздырхиеит ацәыргақәҵа. Астудентцәа ракәзар, рҵараиурҭақәа ирызку аӡыргарақәа ҟарҵеит. Ацәыргақәҵа партниорцәас иамоуп "Аҧсны аихамҩа", "Амшынӷбарныҟәара", Владислав Арӡынбаихьӡ зху Аҟәатәи аҳаиртә баӷәаза.

Аҧсны Жәлар Реизара адепутатцәа акадастр азы азакуан Ахада Иусбарҭа иаланагалаз аҧсахрақәа алагаланы, аҩбатәи аҵыхәтәантәи аҧхьараҿы ирыдыркылеит. Еиҭамҵуа амал азы акадастр азакәан инақәыршәаны, уи амч аиуеит иааиуа ашықәс,ҧхынгәымза 1 инаркны , ажәабатәи ахы аламҵакәа. Аминистрцәа Реилазаара иадҵоуп, 2026 шықәса, ҧхынҷкәынымза 31-нӡа анорматив зинтә актқәа азакәан иақәшәо рыҟаҵара, азакәан ахархәара алзыршо анормативтә актқәа аусрыдулара, рышьақәырӷәӷәара. Ажәабжь иацырҵоитҳкорреспондентцәа.